მადაგასკარის ტყე, რომლის ხეების მწვერვალებიც სამართებელივით ბასრია

ირინა მ.

საზოგადოება

ეკონომიკა

მეტი

23.11.2024
სტატია:138421
ვიდეო:351967
სურათი:512073

Array
(
    [get1] => სტატია
    [get2] => 136881-მადაგასკარის-ტყე-რომლის-ხეების-მწვერვალებიც-სამართებელივით-ბასრია
    [get3] => 88
    [addquery] => user:ირინა მ.:show:channel:loop:true
)

საბუნებისმეტყველო

მადაგასკარის ტყე, რომლის ხეების მწვერვალებიც სამართებელივით ბასრია

2021, 5 მარტი, 10:23

მილიონობით ქვის ხე იზრდება (თუ შეიძლება ასე ითქვას) მადაგასკარის ქვის ტყეში. ამ დიდი აფრიკული კუნძულის დასავლეთ სანაპირო ცნობილია თავისი ქვის "ნარგავებით". კლდე, ყველგან ტყეა, მაღალი და მიუდგომელი. აქ კი ქვის ვარჯები, თითქოს უჩინარმა მებაღემ, სწორ და თანაბარ რიგებად გააშენა და უჩინარი ხელითვე გაკრიჭა.

სინამდვილეში ეს ტყე სხვა არაფერია, თუ არა ამ ადგილებისთვის დამახასიათებელი კარსტული ლანდშაფტი, რომელზეც მილიონი წელი "შრომობდა" ბუნება, ასეთი სიურეალისტური პეიზაჟი რომ შეექმნა ქარების, ნალექების და დროის მეშვეობით.

ეს ქვის ტყე ცინჯი დე ბერამაჰის ნაკრძალშია. ნაკრძალი 1927 წელს დაარსდა ცხოველთა იშვიათი ჯიშებისა და ბუნების უნიკალური ლანდშაფტის დასაცავად. ცინჯი ადგილობრივი მალაგასის ენაზე ითარგმნება, როგორც "ადგილი, სადაც ფეხშიშველი სიარული არ შეიძლება", სხვა მონაცემებით-"ფეხის წვერებზე სიარული". ორივე თარგმანი პრინციპში სწორია, ვინაიდან ქვის ტყის ტერიტორიაზე პრაქტიკულად არ არის სწორი ზედაპირები და გადაადგილება მასზე პრობლემატურია.

ქვის ტყის ხეები 70 მეტრის სიმაღლისაა, მათი მწვერვალები კი სამართებელივით ბასრი, ამიტომ ტურისტებისთვის სპეციალური ბილიკებია მოწყობილი.

არიან გამბედავი დამთვალიერებლებიც, რომლებიც რისკავენ და კლდეების მახვილ მწვერვალებზე დაძვრებიან, ხანდახან ალპინისტურ აღჭურვილობასაც იყენებენ. ნაკრძალის ტერიტორია 667 მ2. შეადგენს. აქ ბინადრობენ დიდი რაოდენობით ლემურები და გარეული ფრინველები. განსაკუთრებით საინტერესოა ის ფაქტი, რომ ადგილი, პრაქტიკულად მიუდგომელი ადამიანისთვის, თავშესაფარი და საცხოვრებელი გახდა მრავალი სახეობის ცხოველისთვის, მათ შორის საოცარი თეთრი ლემურისთვის.

კლდეების ფონზე ეს ცხოველები როგორღაც არარეალურად გამოიყურებიან. ისინი ძალიან მოხერხებულად გადადგილდებიან, რასაც ვერ ვიტყვით მოგზაურებზე, რომლებიც მადაგასკარის ქვის ჯუნგლებში მოხვდნენ. მცენარეული საფარი ქვის ტყის ქვედა ნაწილში საკმაოდ მრავალფეროვანია, განსაკუთრებით გავრცელებულია მანგრის ხეები.