ჩინელმა ინჟინრებმა თავისი აბსურდული და შოკისმომგვრელი იდეებით მსოფლიო მორიგ ჯერზე, კიდევ ერთხელ გააოცეს. ამჯერად, იდეალური ცოლის ძებნით გადაღლილმა ჩინეთის ერთ-ერთმა მკვიდრმა გადაწყვიტა ის საკუთარი ხელით, თავადვე შეექმნა!

31 წლის ჩინეთის მოქალაქე ჩანგ ჩუაჩუა ხელოვნური ინტელექტის სპეციალისტი გახლავთ, რომელმაც საკუთარი ცოდნის წყალობით, პირადი ბედნიერებისთვის იდეალური და უნიკალური გოგონა სახელად Yingying-ი შექმნა. რობოტ - გოგონას შეუძლია როგორც ჩინური იეროგლიფების განსხვავება, ასევე ზოგიერთი ადამიანური ემოციის გარჩევა და რამდენიმე უმარტივესი სიტყვის წარმოთქმაც კი. ჩანგს სურს Yingying -ი იმ დონეზე გააუმჯობესოს, რომ მან საოჯახო საქმეების შესრულებაც შეძლოს.

სულ ახლახანს კი წყვილი ყველა ჩინური ტრადიციის დაცვით დაქორწინდა - ცერემონიას ჩანგის მშობლები და მეგობრები ესწრებოდნენ. ახლობლებმა ჟურნალისტებს დაუდასტურეს, რომ მამაკაცმა რობოტი - გოგონა იმიტომ შექმნა, რომ ის თანამედროვე ქალებით იმედგაცრუებული იყო.

ეს კი, გახლავთ ჯია ჯია ჰუმანოიდი რობოტი, რომელსაც თაყვანისმცემელთა მთელი არმია - "რობოტ ქალღმერთს" უწოდებს.

რობოტის შექმნას მთლიანობაში სულ 3 წელი დასჭირდა, შედეგად, კი ჯია ჯიას შეუძლია როგორც საუბარი, ასევე მიკროემოციების გამოხატვა და ტუჩებისა და სხეულის მოძრაობა. გარდა ამისა, რობოტი იდეალურად აკეთებს ადამიანის მზერისა და მეტყველების იმიტაციას, ტუჩების მოძრაობასთან ერთად კი, სიტყვებს სინქრონულად წარმოთქვამს. რობოტი დაპროგრამებულია ისე, რომ მას შეუძლია მანქანებისა და ადამიანთა სახეების განსხვავებაც. ჯია ჯია მთლიანად ავტონომიური ნავიგაციითა და ღრუბლოვანი ტექნოლოგიებით არის აღჭურვილი.