კულტურა ლეგენდარული "სან-რემოს" ფესტივალი 70 წლისაა+გამარჯვებული სიმღერები 2021, 31 იანვარი, 10:43 ![]() 1951 წლის 29-31 იანვარს იტალიის ქალაქ სან-რემოში გაიმართა იტალიური სიმღერის პირველი ფესტივალი, რომელიც რადიო "Rai-1"-ზე გადაიცემოდა, პირველი კონკურსის გამარჯვებული გახდა ნილა პიცი (Nilla Pizzi), ასე ჩაეყარა საფუძველი ევროპაში ერთ-ერთ ყველაზე პოპულარულ მუსიკალურ ფესტივალს საფუძველი, რომელმაც სხვათაშორის შემდგომ შთააგონა ორგანიზატორებს, რომ შექმნილიყო "ევროვიზია". ![]() კონკურსის 70 წლიანი ისტორიის მანძილზე იცვლებოდა როგორც კონკურსის წესები, ასევე ფესტივალის გამართვის ადგილიც. მაგალითად, 1951-1976 წლებში ფესტივალი ტარდებოდა სან-რემოს კაზინოში (იტალ. Casinò di Sanremo), ხოლო 1977 წლიდან კონკურსმა გადაინაცვლა Teatro Ariston- ში გარდა 1990 წლისა, როდესაც კონკურსი ჩატარდა ახალი ყვავილების ბაზარში (იტალ. Mercato dei Fiori) არმეას ველში, კომუნა ბუზანაში, უფრო დიდი ტევადობის გამო . ![]() ![]() 1972 წლიდან თითოეული კონკურსანტი ასრულებდა მხოლოდ ერთ სიმღერას. 1981, 1983, 1984 წლების ფესტივალებზე წარმოდგენილი იყო სიმღერები ინგლისურ და ფრანგულ ენებზე, მაგრამ დაწერილი იტალიელი კომპოზიტორების მიერ. ზოგიერთი უცხოელი მომღერალი, რომლებიც 1960-იან წლებში მონაწილეობდნენ, ასრულებდნენ სიმღერებს, სადაც მხოლოდ სათაური იყო იტალიური. 1977-89 წლებში, სან რემოს ფესტივალმა უარი თქვა ორკესტრზე და კონკურსის მონაწილეები სიმღერებს ასრულებდნენ ჩაწერილი მუსიკაზე(ე.წ. მინუს ფონოგრამა) ან მთლიანად ფონოგრამაზე. 1956 - 1966 წლებში, ასევე 1972, 1997 და 2011 წლებში, ფესტივალზე განისაზღვრა ევროვიზიის კონკურსის იტალიელი მონაწილე. ასევე, ტრადიციულად, მონაწილე "ევროვიზიაზე" ასრულებდა სწორედ ის სიმღერას, რომელმაც "სან რემოს" ფესტივალზე გაიმარჯვა. სან-რემოს ფესტივალი ვერ აცდა ტრაგიკულ შემთხვევასაც, 1967 წელს კონკურსის მონაწილე ლუიჯი ტენკომ, რომელიც ფინალში ვერ მოხვდა თავი მოიკლა, მან სიკვდილის წინ დაწერა წერილი, სადაც კონკურსის ჟიურის აკრიტიკებდა. ![]() წელს სან-რემოს 71-ე ფესტივალი 2 მარტიდან 6 მარტამდე გაიმართება. ახლა კი ქვემოთ მოისმენთ ფესტივალზე სხვადასხვა პერიოდში 10 გამარჯვებულ სიმღერას99 6-ს მოსწონს
|