თუკი მგზავრობისას ჩამოწევთ ოთხივე ფანჯარას, ან ორ მოპირდაპირე ფანჯარას მაინც, ნაკლებად უნდა გეშინოდეთ ავტომობილში კორონავირუსის გადადების.

თუმცა ზამთრის პერიოდში ეს შეიძლება უცნაურად და არაკომფორტულად მოგეჩვენოთ, Science Advances–ის მეცნიერები კლვევით ადასტურებენ, რომ ყველა ფანჯრის ჩამოწევა საუკეთესო გზაა ავტომობილში დაინფიცირებისგან თავის დასაცავად. რადგან ამ დროს ავტომობილში ბლომად მოძრაობს ჰაერის ნაკადი და ნიავდება ბაქტერიებისგან.

თუ ოთხივე ფანჯარა ვერ გახსენით, გახსენით ორი მოპირდაპირე მხარე მაინც, რომ შექმნათ "ჰაერის ფარდა", რომელიც მუდმივად მოძრაობს მძღოლსა და მგზავრებს შორის, და რაც ამცირებს ვირუსის მძღოლიდან მგზავრზე გადასვლის პოტენციალს.

მკვლევარები გეგმავენ ახლა შეისწვლონ, თუ რა გავლენას ახდენს ავტომობილის სიჩქარე მანქანაში ჰაერის ნაკადზე და რამდენად უწყობს ხელს მინების მოძრაობა დაინფიცირების შანსს. ალბათ, შედეგებს ზაფხულისთვის გავიგებთ.