კულტურა კორონავირუსმა იმსხვერპლა "ერალაშის" შემქმნელი 2021, 15 იანვარი, 12:13  71 წლის ასაკში გარდაიცვალა პოპულარული საბავშვო-იუმორისტული ტელეჟურნალის "ერალაშის" შემქმნელი ბორის გრაჩევსკი. ბორის გრაჩევსკი დეკემბრის ბოლოს გადაიყვანეს საავადმყოფოში: "ნიღაბი მიკეთია, ჟანგბადის და წვეთოვანის ქვეშ ვარ..ვმკურნალობ როგორც საჭიროა"-განუცხადა მაშინ სააგენტო ТАСС--ს რეჟისორმა. თუმცა დროთა განმავლობაში კორონავირუსით ინფიცირებული რეჟისორის მდგომარეობა დამძიმდა, რა დროსაც კომაში ჩავარდა. "დიახ გარდაიცვალა"-დაუდასტურა სააგენტოს გრაჩევსკის მეუღლემ, ეკატერინე ბელოცერკოვსკაიამ. გრაჩევსკიმ 1974 წელს დრამატურგ ალექსანდრე ხმელნიკთან ერთად შექმნა საბავშვო-იუმორისტული ტელეჟურნალი "ერალაში". 1974-1984 წლებში გრაჩევსკი ტელეჟურნალის დირექტორი იყო, შემდეგ მხატვრული ხელმძღანელი. 
"ერალაშს" იუმორისტულ-სატირულ "ფითილთან"ერთად კინოთეატრებში სეანსის დაწყების წინ აჩვენებდნენ, საბჭოთა კავშირის დაშლის შემდეგ "ფითილი" გაუქმდა, "ერალაშმა" კი განაგრძო არსებობა.
"მას შეეძლო ფსევდონიმად "ერალაში"აეღო, მან რთულ 90-იან წლებშიდაც კი შეძლო "ერალაშის"გადარჩენა, ის არ მოკვდა და გადარჩა, შესანიშნავი საბავშვო ჟურნალი და არა მარტო საბავშვო..მეც ბევრჯერ ვითამაშე იქ"-განაცხადა მსახიობმა ლეონიდ იარმოლი ნიკმა.166 7-ს მოსწონს
|
  |
Intermedia.ge © 2011-2025 წელი
საავტორო უფლებები დაცულია
 |
