ილონ მასკს თამამად შეგვიძლია ვუწოდოთ თანამედროვეობის გენია. ელექტრომანქანების და რობოტების შექმნის გარდა, მას გაცილებით გრანდიოზული გეგმებიც აქვს, რომელთა შორის მარსის კოლონიზაციაც არის.

“ილონ მასკი. ფანტასტიკური მომავალი"-ასე ეწოდება წიგნს, რომელიც 2015 წელს გამოიცა. მისი ავტორი ტექნოლოგიების სფეროს ცნობილი ჟურნალისტი ეშლი ვენსია.ამ წიგნში ვენსი წერს, რომ როცა მასკი თავის კომპანიას ქმნიდა, თავად ქირაობდა თანამშრომლებს და პირადად ატარებდა გასაუბრებებს. გასაუბრებაზე კი ისეთივე ორიგინალური შეკითხვები ჰქონდა, როგორიც მისი პერსონაა.

ერთი ამოცანა კი ასე ჟღერს: “თქვენ დედამიწის გარკვეულ წერტილში ხართ. თქვენ გაიარეთ ერთი მილი სამხრეთით, შემდეგ გაიარეთ ერთი მილი დასავლეთით, კიდევ ერთი მილი ჩრდილოეთით და საწყის წერტილს დაუბრუნდით. სად იმყოფებით? დედამიწის რომელ წერტილში? "

კარგად იფიქრეთ და მხოლოდ შემდეგ შეამოწმეთ სწორი პასუხი სტატიის ბოლოს.

და სწორი პასუხია... ჩრდილოეთ პოლუსი. თუ ჩრდილოეთ პოლუსიდან ჯერ სამხრეთით წახვალთ, შემდეგ დასავლეთით და ბოლოს ჩრდილოეთით, ისევ ჩრდილოეთ პოლუსზე მოხვდებით.