21 ოქტომბერს, ზუგდიდში საქართველოს ბანკში მძარცველი შეიჭრა, რომელმაც მძევლები აიყვანა და სახელმწიფოსგან ნახევარ მილიონ დოლარს, ვერტმფრენს ტერიტორიის მძევლებთან ერთად უსაფრთხოდ დატოვების გარანტიას ითხოვდა.

მძარცველმა გვიან ღამით ბანკის შენობა 3 მძევალთან ერთად დატოვა, ერთ-ერთ მძევალს შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის დირექტორი, ავთანდილ გალდავა ჩაენაცვლა.

სოციალურ ქსელში კი ამ ამბავს უამრავი გამოხმაურება მოჰყვა, საზოგადოების უმეტესობამ გალდავას ეს საქციელი მოიწონა და გმირადაც მოიხსენიებენ.

გთავაზობთ ერთ-ერთი მძევლის სტატუსს, რომელიც სამეგრელო-ზემო სვანეთის პოლიციის დეპარტამენტის დირექტორს ავთანდილ გალდავას მიუძღვნა და მადლობა გადაუხადა.

„თქვენ ჩემი გმირი ხართ! თქვენ ჩვენ სიცოცხლე გვაჩუქეთ! მადლობა მადლობა მადლობა“, - წერს მძევალი აიდა ქაჯაია.

.

ზუგდიდის ფილიალში თავდამსხმელების შეჭრასთან დაკავშირებით „საქართველოს ბანკი" განცხადებას ავრცელებს.

.

„გუშინდელ მოვლენებში ჩართული ყველა თანამშრომელი, მომხმარებელი და პოლიციელი ახლა უსაფრთხოდ და ჯანმრთელადაა. აუცილებლად ვიპოვით გზას, რომ თითოეულის ცხოვრება მალე დაუბრუნდეს ჩვეულ რეჟიმს

მადლობა გულშემატკივრობისთვის“, - წერია გავრცელებულ განცხადებაში.

.