ბელარუსის პრეზიდენტი ალექსანდრე ლუკაშენკო გასაიდუმლოებულ გარემოში ეკურთხა პრეზიდენტად. მის ინაუგურაციას არ ესწრებოდა ტელევიზია, ღონისძიებას ასამდე სტუმარი ესწრებოდა.ამის შესახებ იუწყება Белта.

ცერემონია გაიმართა დამოუკიდებლობის სასახლეში, საკმაოდ ვიწრო წრეში, ლუკაშენკომ პრეზიდენტის ფიცი ბელორუსულ ენაზე წარმოთქვა, სხვათა შორის სტუმრებს შორის იყო ცესკოს თავმჯდომარე ლიდია ერმოშინა, რომელიც პასუხისმგებელია ინაუგურაციის თარიღის დანიშვნაზე, სულ ცოტა ხნის წინ მან განაცხადა, რომ არ იცის ცერემონია როდის გაიმართება.

ბელორუსული კანონმდებლობის თანახმად, ახლად არჩეული პრეზიდენტის ინაუგურაცია უნდა მოხდეს არჩევნებიდან არაუგვიანეს ორ თვეში, ლუკაშენკო ჩაეტია ამ დროში.

შეგახსენებთ, ბელარუსში საპრეზიდენტო არჩევნები 9 აგვისტოს გაიმართა, ეა დროსაც მოქმედმა პრეზიდენტმა ხმების 80% მიიღო, რასაც ხანგრძლივი მასიური საპროტესტო აქციები მოჰყვა, რომელსაც მთელი მსოფლიოს დემოკრატიული სამყარო მხარს უჭერდა და ამხნევებდა.