პატარა სახლები ყოველთვის საინტერესო და მიმზიდველია, რადგან გაცილებით უფრო ვრცელი და ტევადია, ვიდრე ეს ციფრებით ფიქსირდება. მაგალითად, ეს პატარა ნაგებობა, დაპოროექტებული Mint Tiny homes -ის მიერ, სულ რაღაც 36 კვ.მ. მიუხედავად ამისა, აქ ყველაფერია, რაც ადამიანს სჭირდება სრულად ისიამოვნოს არდადეგებით ნებისმიერ ლოკაციაზე ან დასახლდეს მუდმივ, მისთვის სასურველ ადგილზე.

სახლის ექსტერიერს რაც შეეხება, გვერდები მოპირკეთებულია შავი ფერის ვიწრო ფიცრებით, რომელიც არაჩვეულებრივად ეხამება თხელ ლითონის სახურავს, რაც სახლს თანამედროვე იერს სძენს. პროექტში გამოყენებულია ფრანგული ფანჯრები უფრო მეტი სინათლისთვის და ასევე შეგიძლიათ დაამონტაჟოთ ტენტი ეზოში ჩრდილისთვის და წვიმისგან დასაცავად.

შიგნით, შესასვლელი კარიდან პირდაპირ მისაღებში აღმოჩნდებით, რომელიც პატარაა, თუმცა, მყუდრო გაშლილი სივრცით. სახლის გარეთ გამოწეული ნაწილი (ორიდან ერთ-ერთი) საშუალებას იძლევა დივანი უკან გავწიოთ უფრო მეტი სივრცისთვის დასაჯდომად და ყავის მაგიდის დასადგმელად, იმ შემთხვევისთვის თუ სტუმრები შემოგივლიან. რაც შეეხება სახლის მეორე გამოსაწევ ნაწილს – ამით ფართოვდება ქვედა სართულის საძინებელი, სადაც შესაძლებელია კარადების განთავსება და საწოლის ირგვლივ თავისუფლად სიარული. ამას გარდა, მისაღებს ესაზღვრება სამზარეულო გაწყობილი ნაცრისფერი კარადებით და კვარცის დახლის ფილით. აქ დამონტაჟებულია ყველა, სამზარეულოსთვის მნიშვნელოვანი მოწყობილობა, როგორიცაა მაცივარი, ჭურჭლის სარეცხი მანქანა, გაზქურა და გამწოვი. სამზარეულოს მეორე მხარეს ესაზღვრება საძინებელი ფრანგული ფანჯრებით. სახლის დარჩენილი ნაწილი უკავია სააბაზანოს და პატარა სხვენს მის ზემოთ, სადაც მისადგმელი კიბის მეშვეობით მოხვდებით. ყველა ეს წარმოდგენილი სივრცე ერთობლიობაში იმდენად ჰარმონიულად ერწყმის ერთმანეთს, რომ განსაზღვრულად მყუდრო და კომფორტულ გარემოს ქმნის ამ საოცარ პატარა სახლში.

ორფრთიანი კარის გაღების შემდეგ პირდაპირ მისაღებში აღმოჩნდებით გახსნილი ინტერიერით.

ინტერიერის პროექტის სქემა გრძელი და ვიწროა, სადაც ერთ ზოლზე განთავსებულია მისაღები, სამზარეულო, საძინებელი და სააბაზანო.

მისაღებ ოთახში გარეთ გასაწევი ნაწილი საშუალებას იძლევა უფრო მეტი სივრცე შეიქმნას ადამიანებისთვის და ავეჯისთვის.

ინტერიერის ჭერის და კედლების ფერი თეთრია, რაც უფრო მეტი სივრცის შთაბეჭდილებას ქმნის.

მისაღებ სივრცეს ერთი მხრიდან სამზარეულო ესაზღვრება, ხოლო მეორე მხრიდან – სააბაზანო და პატარა სხვენი.

სამზარეულოს კვარცის დახლის ფილები და ნაცრისფერი კარადები ერთმანეთს არაჩვეულებრივად ავსებს და სახლის ერთ-ერთ ყველაზე მნიშვნელოვან კუთხეს თანამედროვე სახეს აძლევს.

სააბაზანოს ჭერზე ყავისფერი ძელებია აკრული, რაც თეთრი ფერის ინტერიერის უბრალოებას არღვევს.