პროგრამირება დადგინდა იმ ქალების რაოდენობა,რომლებიც სელფის დროს ფოტოშოპს იყენებენ 2020, 27 აგვისტო, 10:48  კოსმეტიკური ფირმის Dove- ის ანალიტიკოსებმა ჩაატარეს გამოკვლევა და გაირკვეს, თუ ქალების რამდენი პროცენტი იყენებს ფოტოშოპს, სანამ სოციალურ ქსელებში სურათს ატვირთავს. გამოკითხვის შედეგები, რომელშიც ორი ათას ქალზე მეტი მონაწილეობდა, გამოქვეყნდა გამოცემა Daily Star-ში. მოპოვებული მონაცემების თანახმად, გამოკითხულთა მეოთხედი ფოტოს რეტუშირებას უკეთებს და ისე ტვირთავს სოციალურ ქსელში. ცოტა უცნაური ისაა, რომ 24 წლამდე ასაკის გოგონები უფრო აქტიურად იყენებენ ფოტოშოპს, რა დროსაც მათი რაოდენობა გაორმაგებულია: ახალგაზრდა ქალების 51 პროცენტმა დადებითი პასუხი გასცა. ისიც ცნობილი გახდა, რომ ქალები ყველაზე ხშირად ცვლიან სახის ზოგიერთ მახასიათებელს და "ლესავენ" კანის იმ ადგილებს, რაც მათი აზრით უშნოდ ჩანს. გამოკითხულთა მხოლოდ 16 პროცენტმა განაცხადა, რომ არასოდეს იყენებს ფოტოფილტრებს სურათზე სოციალურ ქსელში გამოქვეყნებამდე. გარდა ამისა, გამოკითხულთა უმრავლესობამ მიიჩნია, რომ Instagram- ზე გამოქვეყნებული ცნობილი სექს-სიმბოლოების ფოტოები ჩვეულებრივი ქალების თვითშეფასებაზე უარყოფითად მოქმედებს, რადგან ისინი ახდენენ სრულყოფილ სხეულების და კანის ხარვეზების გარეშე დემონსტირებას. თუმცა თავად ცნობილ ქალბატონებს და სექს-სიმბოლოებს არც თუ იშვიათად ფოტოშოპი იმდენად გადამლაშებული მოსდით ხოლმე, რომ საკმაოდ ადვილი შესამჩნევი ხდება დაკვირვებული ფანებისთვის, რის გამოც დაცინვის ობიექტი ხდებიან, ამ მხრივ განასაკუთრებით გამორჩევიან დები კარდაშიანები, მაგალითად: ქვემოთ მოცემულია ფოტო, რა დროსაც 39 წლის კიმ კარდაშიანს იმდენად "უშრომია" ფოტოშოპით, რომ თავის 10 წლის ნათესავ ბიჭუნაზე უფრო ახალგაზრდულად გამოიყურება.
ასევე იხილეთ    104 6-ს მოსწონს
|
  |
Intermedia.ge © 2011-2025 წელი
საავტორო უფლებები დაცულია
 |
