ცხოველების სიყვარული ადამიანს დაბადებიდან აქვს, თუმცა იშვიათი გამონაკლისებიც არსებობენ, ვისაც შინაური ცხოველის არც ყოლის სურვილი აქვს და არც უყვარს ისინი. დღევანდელ სტატიაში ცხოველათამოძულეებზე დროს არ დავკარგავ და ერთ-ერთ ყველაზე საყვარელ შინაურ ცხოველზე - კატაზე მოგიყვებით.

შინაური კატა მტაცებელი ძუძუმწოვარი ცხოველი კატისებრთა ოჯახის წარმომადგენელია. ის გამოირჩევა მეგობრობის უნარით. ცნობილია, რომ ადამიანისა და კატის მეგობრობა 10 000 წელია გრძელდება.

ადამიანის დაფასება კატამ თავდაპირველად იმით მოიპოვა, რომ პარაზიტებს ანადგურებდა. კატა ჭკვიან ძუძუმწოვრებს მიეკუთვნება და ადამიანს მისი გაწვრთნა ადვილად შეუძლია.

კატას ინტელექტის თვალსაზრისით შეუძლია სწავლა, ფიქრი, ამა თუ იმ პრობლემის გადაჭრა, მოხერხებულობა და გონიერება. სახლის კატები შეგუების უნარით ხასიათდებიან. ზოგიერთი კატა მტაცებელია (უყვარს ნადირობა), ამიტომ მათ უწევთ ფიქრი, თუ როგორ მოიტაცონ ესა თუ ის ცხოველი, შემდეგ შეკრან მსხვერპლი, როგორც აკეთებენ მგლები.

ნადირობაში გაწრთვნილი განსაკუთრებით მიუსაფარი კატები არიან, რომლებსაც ქუჩაში ცხოვრება და თავის გატანა ადამიანების დაუხმარებლად უწევთ. თუმცა ნადირობას არც შინაური კატები თაკილობენ.