თითქოს კარანტინი ბიზნესისთვის დარტყმა არ იყო, მალაიზიაში მაღაზიის მფლობელმა 2 თვის შემდეგ პირველად გახსნა მაღაზია, მთელი გასაყიდი საქონელი კი დაობებული დახვდა.

ინტერნეტში გავრცელდა ფოტოები მაღაზიიდან, სადაც ტყავის ფეხსაცმელებს, ჩანთებს, ტანსაცმელს და სხვას ობი ჰქონდა მოდებული.

მალაიზიამ კარანტინი ჯერ კიდევ მარტში დაიწყო, 10 მაისს კი ქვეყნის ხელისუფლებამ შეზღუდვები შეამცირა, ამიტომ ბევრი სავაჭრო ობიექტი გაიხსნა.

ხალხის ვარაუდით მაღაზიაში ობი იმიტომ გაჩნდა, რომ ვენტილაციაც გათიშული იყო, ზოგო ხუმრობით იმასაც წერდა, რომ ობი კარგი საშუალებაა იმის გასაგებად, ნივთი ნამდვილად ტყავისაა თუ არა.

ამის შემდეგ დაიდო ფოტოები კინოთეატრიდანაც, სადაც სავარძლებზეც ობია მოდებული.