სიახლეები
ადამიანების 95% სამედიცინო ნიღაბს არასწორად ატარებს! აი, როგორ უნდა სინამდვილეში
2020, 23 მარტი, 17:02
დღეს, ისე როგორც არასდროს, კორონავირუსის პანდემიასთან დაკავშირებით სამედიცინო ნიღბები სულ უფრო აქტუალური გახდა, მეტიც, ის უკვე თითოეული მოქალაქისთვის ქუჩაში გასვლის ერთ - ერთ მთავარ ატრიბუტს წარმოდგენს. თუმცა, იცოდით, რომ მოსახლეობის 95% -ზე მეტი მას არასწორად ატარებს? მოდით ერთად გავარკიოთ, რატომ.
საქმე იმაშია, რომ ნიღაბი ორი ფენისგან შედგება - მწვანე ფენა სპეციალური ნივთიერებით არის დამუშავებული, რომელიც მიკრობებს ანეიტრალებს და მათ სასუნთქ გზებში მოხვედრას ხელს უშლის. თეთრი ფენა კი - ფილტრის ფუნქციას ასრულებს.
ასე რომ, თუ ჯანმრთელი ხართ და მხოლოდ საკუთარი თავის დაცვა გსურთ, ნიღაბი მწვანე მხრიდან უნდა ატაროთ, რათა თავი ინფექციისგან დაიცვათ, ხოლო თუკი - ვირუსის გადამტანი ბრძანდებით, საჭიროა ნიღაბი თეთრი მხრიდან გაიკეთოთ, რომ გარშემომყოფები არ დააინფიციროთ.
სხვათა შორის, ნებისმიერი ნიღბის მოქმედების ხანგრძლივობა - მხოლოდ რამდენიმე საათს შეადგენს. ამის შემდეგ, სპეციალური ნივთიერებით გაჟღენთილი პირბადე თავის დამცავ თვისებებს კარგავს და ის უბრალოდ უსარგებლო ხდება.
