იაპონიის კანონმდებლობაში ცვლილებები შეიტანეს, რომელიც უკვე ძალაში შევიდა და ასეთი დარღვევის გამო სასჯელს ითვალისწინებს. უყურადღებო მძღოლს შეიძლება 1 წლით თავისუფლება შეეზღუდოს.

როგორც ცნობილია, იაპონიის ხელისუფლებამ საჭესთან მოლაპარაკე მძღოლებთან ინტენსიური ბრძოლა ჯერ კიდევ 16 წლის წინ დაიწყო. მაშინ მათ წინააღმდეგ საკმაოდ სერიოზული სასჯელი დააწესეს.

თუმცა, როგორც პრაქტიკამ აჩვენა, იაპონელებისთვის ეს საშინელი სასჯელი არ ყოფილა. იაპონელები, როგორც ადრე, საჭესთან ყოფნის დროს სუპერთანამედროვე გაჯეტებით გატაცებას აგრძელებენ. ასეთი ქცევის შედეგად ავარიული შემთხვევების რაოდენობა ყოველწლიურად იზრდება.

როგორ დააჯარიმებენ

სატრანსპორტო საშუალების საჭესთან სატელეფონო საუბრის გამო სასჯელი უფრო გაამკაცრეს. მძღოლებს, რომლებიც საჭესთან ყოფნის დროს ტელეფონზე ისაუბრებენ, 18 ათასი იენით (დაახლოებით 150 ამერიკული დოლარი) დაჯარიმება ემუქრებათ. ეს კი ადრინდელ ჯარიმაზე 3-ჯერ მეტია.

სატვირთო მანქანების მძღოლებს ასეთი დარღვევისთვის არა 7 ათასი იენის (როგორც ადრე იყო), არამედ 25 ათასი იენის გადახდა მოუწევთ.

თუ მძღოლი ტელეფონით სარგებლობის დროს ავარიულ შემთხვევას გამოიწვევს, მაშინ მას სამართლებრივი პასუხისმგებლობა ნახევარი წლიდან 1 წლამდე თავისუფლების აღკვეთის სახით ემუქრება.

ასევე დაგაინტერესებთ:

ქალი "მაზდის" გასაწმენდად მივიდა: თანამშრომლებს ამისთვის 7 საათი დასჭირდათ

ავტომობილის ერთი მოდელი, რომელშიც არცერთი ადამიანი არ გარდაცვლილა! აი, ის

6 სახიფათო აქსესუარი მანქანაში, რომლებიც უნდა მოიშოროთ

წყლით სავსე პლასტმასის ბოთლი მანქანაში: რატომ შეიძლება იყოს სასიკვდილოდ სახიფათო

რა გავაკეთოთ საცობში მოხვედრის დროს?