"შაშილარი" - შაშილების კრებსითი სახელი (მხოლობითში სვანურად - "შაშილ"). ასე უწოდებდნენ სვანეთში სხვადასხვა არსებას, რომლებიც მათი და სხვა ძველი ხალხების რწმენით ცხოვრობდნენ ადამიანთა გარშემო, ტყეებში, მიტოვებულ ადგილებში, მთებსა და ჭაობებში. მდინარეების ნაპირებზე და სხვ. ადამიანებს იშვიათად ეჩვენებოდნენ, თუმცა მათი ხილვის ფაქტებს მაინც ჰყვებოდნენ ყველა თაობაში და ყველა დროში. შაშილარად, შაშილებად იწოდებოდნენ ისეთი არსებები, როგორიცაა ჭინკები, გნომები, ჯუჯები, მავნე, ჩია ტანის დემონური არსებები. სვანურ მითოლოგიაში შაშილარი იყვნენ აქტიურნი და სწრაფები, ღამ-ღამობით ხევ-ხუვში ფუსფუსებენ, აძრწუნებენ ადამიანებს. ზოგჯერ აგრესიულებიც ხდებიან, დაესევიან და აგიჟებენ ხოლმე ან კლავენ ხალხს. ჰგვანან სკანდინავიური მითოლოგიის ტროლებს.

წყარო: აკაკი გელოვანი. "მითოლოგიური ლექსიკონი". 1983.

კრებულები:

1. ქართველური ტომები

2. ქართული სახელმწიფოები

3. კავკასიური კულტურები

4. საქართველო

5. საქართველო (ნაწილი მეორე)

6. ნაციზმი

7. ჰიტლერი

8. რელიგია

9. პარანორმალი

10. მეცნიერება

11. მეცნიერება (ნაწილი მეორე)

12. ქართული მითოლოგია

ავტორი: თორნიკე ფხალაძე