ხშირად ჩვენი "არასრულყოფილი" გარეგნობის გამო ძალიან განვიცდით, ვინაიდან გვეჩვენება რომ სათანადოდ არ გამოვიყურებით, ხოლო მას შემდეგ რაც ინტერნეტსივრცეში "ინსტაგრამ - მოდელების" ფოტოებს თვალს კიდევ ერთხელ გადავავლებთ, ნირწამხდრებსა და არასრულფასოვნების კომპლექსით შეპყრობილებს ხასიათი კიდევ უფრო მეტად გვიფუჭდება. მაგრამ რატომ? ნუთუ მართლა ფიქრობთ, რომ იგივე ცნობილ ადამიანებს არანაირი ნაკლი არ აქვთ? ცდებით... ვინაიდან როგორც წესი, ყოველი ლამაზი ფოტოს მიღმა მისი აღმატებულება - ფოტოშოპი იმალება. სინამდვილეში, ბევრ ცნობილ ადამიანს, ისევე როგორც თითოეულ ჩვენგანს, არაერთი ნაკლი გააჩნია. ასე რომ გოგონებო, ნუ დაუჯერებთ ყველაფერს რასაც სოციალურ ქსელებში ხედავთ. ჩვენ ადამიანები სწორედ იმიტომ ვართ, რომ გარკვეული ნაკლიც გვქონდეს, უბრალოდ ეცადეთ საკუთარი თავი ისეთი შეიყვაროთ როგორიც ხართ.