არგო (ძვ. Argo - სისწრაფე; სწრაფი, მარდი; თეთრი, ქათქათა; ზანტი, უარგებლო; ზოგი ეტიმოლოგიით კი ქალაქ არგოსის ან მისი დამაარსებლის სახელია) - არგონავტების 50-ნიჩბიანი გემი, რაც ათენას დახმარებით არგომ (Argus) ააგო. მისი სახელი ეწოდათ რჩეულ ბერძენ გმირებს, რომლებიც იმ გემით ჩამოვიდნენ კოლხეთში იაზონის მეთაურობით ოქროს საწმისის წასაღებად. მოძრავ კლდეებს სიმპლეგადებში არგომ ათენას შემწეობით დააღწია თავი, თუმცა კიჩოს ნაწილი მაინც გაუსრისეს. ლაშქრობის შემდეგ, დიდხანს იდგა სანაპიროზე, ბოლოს დაიმსხვრა და იაზონიც გასრისა. არგოს ჰომეროსის (ძვ.წ. IX-VIII სს.) ეპოქაშიც მთელი საბერძნეთი მოწიწებით იხსენიებდა. გამოთქმულია მოსაზრება, რომ სიტყვის ძირია მეგრული სიტყვა "მარგალ", რაც მეგრელთა თვითწოდებაა და მეგრულად მრგველს (მიწათმოქმედს) ნიშნავს. მადლიერმა ჰერამ არგო აქცია დიდ ვარსკვლავთკრებულად, რომელსაც იალქნები ეწოდა (კენტავრის გემის კიჩოს, ტუმბოს ხომლებით გარემოცული, 110, შეუიარაღებელი თვალით ხილული ვარსკვლავისგან შემდგარი თანავარსკვლავედი).

კრებულები:

1. ქართველური ტომები

2. ქართული სახელმწიფოები

3. კავკასიური კულტურები

4. საქართველო

5. საქართველო (ნაწ. მეორე)

6. ნაციზმი

7. ჰიტლერი

8. რელიგია

9. პარანორმალი

10. მეცნიერება

11. მეცნიერება (ნაწ. მეორე)

12. ქართული მითოლოგია

ავტორი: თორნიკე ფხალაძე