ჟურნალისტი და ტელეკომპანია "კავკასიის" დირექტორი ნინო ჯანგირაშვილი ეკა ბესელიასა და ვანო ზარდიაშვილის ფიზიკურ დაპირისპირებას სოციალურ ქსელში ეხმაურება. ჟურნალისტის თქმით, "ქართული ოცნების" წარმომადგენლებმა ბესელია იმ ზომამდე მიიყვანეს, რომ ხვალ, მან თითოეულ მათგანს ასევე, ფიზიკური შეურაცხყოფა რომ მიაყენოს, იურიდიულ საკითხთა კომიტეტის ყოფილ თავმჯდომარეს აღნიშნული საქციელი მაინც საპატიოდ ჩაეთვლება: "დიახ, ბესელიას ეპატიება ყველაფერი, იმიტომ რომ თქვენმა ნაძირლების ბანდამ ფაქტიურად სასიკვდილოდ გაიმეტა ეს ადამიანი. კიდევ ბედავთ და თქვენი ბინძური სიფათებით ექირქილებით. ხვალ რომ ყველა სათითაოდ გჯეჯგვოთ პარლამენტში ისიც ეპატიება. დიახ! თქვენ ხართ მკვლელები!" - დაწერა ნინო ჯანგირაშვილმა საკუთარ ფეისბუქგვერდზე.