NASA აგრძელებს ღრმა კოსმოსური სივრცის საოცარი სურათების გაზიარებას, რომელსაც ტელესკოპი "ჰაბლი" იღებს. ამჯერად, ტელესკოპის ხედში მოხვდა სპირალური გალაქტიკა NGC 3169.

NGC 3169 მდებარეობს დედამიწიდან 70 მილიონი სინათლის წლის მანძილზე, სეკსტანტის თანავარსკვლავედში. ირმის ნახტომის მსგავსად, სადაც მდებარეობს მზის სისტემაც, ის წარმოადგენს სპირალურ გალაქტიკას.

NGC 3169 და მისი ზედაპირი შედგება კოსმიური მტვრისგან, ყინულისგან, ნახშირწყალბადისგან, სილიკატებისა და სხვა მყარი მასალისაგან, რომელიც დარჩა ახალი ვარსკვლავების და პლანეტების ფორმირების შემდეგ.