მისიმიელები ერთ-ერთი სვანური ტომი იყო (გეორგიკა, 1936, გვ. 86, 161-162, 172, 347-348), რომელიც განსახლებული იყო დღევანდელი აფხაზეთის საკმაოდ ვრცელ ტერიტორიაზე. ეს სახელწოდება შესაძლოა ყოფილიყო სვანთა თვითწოდების "მუშვანის" ბერძნული სახეცვლილი ფორმა. მისიმიელებს მოიხსენიებენ ბიზანტიელი ავტორები და აღნიშნავენ, რომ მისიმიელთა მიწა-წყალი აფსილების განსახლების ტერიტორიას თანამედროვე წებელდასთან ესაზღვრებოდა და აფსილთა ჩრდილოეთით მოსახლეობდნენ.

აგათია სქოლასტიკოსის (ახ.წ. VI ს.) ცნობით მისიმიელები, ისევე, როგორც აფსილები იმ პერიოდში კოლხეთის, ესეიგი ლაზთა მეფის ქვეშევრდომები იყვნენ, მაგრამ კოლხურ ტომთაგან განსხვავებით სხვა ენა და ზნე-ჩვეულებები ჰქონდათ. მიუხედავად ამისა, თავად აგათიაც აღნიშნავს, რომ მისიმიელები კოლხთა და აფსილთა ნათესავები იყვნენ. მისიმიელებმა აქტიური მონაწილეობა მიიღეს ახ.წ. VI საუკუნის შუა წლებში ბიზანტია-ირანის ომში, რომელიც დასავლეთ საქართველოს ტერიტორიაზე მიმდინარეობდა.

კრებულები:

1. ქართული სახელმწიფოები

2. იბერო-კავკასიური კულტურები

3. საქართველო

4. ქართული მითოლოგია

5. ნაციზმი

6. ჰიტლერი

7. მეცნიერება

8. რელიგია

ავტორი: თორნიკე ფხალაძე