სამეგრელო და ზემო სვანეთი სვანეთში 12 წლის გოგონას მიერ შემთხვევით გასროლილმა იარაღმა მამამისი იმსხვერპლა 2019, 26 ივნისი, 17:10
მესტიის მუნიციპალიტეტის სოფელ იდლიანში, უბედური შემთხვევა მოხდა, 12 წლის გოგონას თოფი შემთხვევით გაუვარდა, რამაც მამამისი იმსხვერპლა . დაღუპულს თავის არეში მოხვდა ტყვია. გარდაცვლილი 51 წლის პედაგოგი, დავით გაბლიანია. ის იდლიანის საშუალო სკოლაში ისტორიას ასწავლიდა. ტრაგედია მაგთიკომის საბაზო სადგურზე მოხდა. "მამას ბავშვი მაგთიკომის საბაზო სადგურზე ჰყავდა აყვანილი, სადაც თავად მუშაობდა. გაურკვევლია საიდან აღმოჩნდა იმ ტერიტორიაზე ცეცხლსასროლი იარაღი. ბავშვს იარაღი აუღია, რომელიც გადაჭედილი ყოფილა. შემთხვევით გასროლილი ტყვია, მამას თავში მოხვდა და ადგილზე დაიღუპა“-განაცხადა მესტიის მერიის წარმომადგენელმა, ბეჟან ჭკადუამ.
მომხდარზე გამოძიება სისხლის სამართლის კოდექსის 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს.
194 7-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
