ფოთში, მალთაყვას სანაპიროზე დამსვენებლების გაფრთხილების მიუხედავად, ზღვაზე მოსალოდნელი 4 -5 ბალიანი შტორმის შესახებ, რუსი ტურისტები - ახალგაზრდა კაცი და ქალი მაინც შევიდნენ ზღვაში და უგუველყვეს ზღვაში აღმართული გამაფრთხილებელი წითელი ალმები. მაშველის, თეიმურაზ შონიას განცხადებით, ახალგაზრდა ქალის გადარჩენა შეძლეს, ხოლო 25 წლის მამაკაცის ცხედრის ძებნა ამ დრომდე მიმდინარეობს.

ადგილზე მობილიზებულია სასწრაფო დახმარების ჯგუფები და პოლიცია.

"​ახალგაზრდა მამაკაცის შესახებ ინფორმაცია მაშველებს ახალგაზრდა ქალმა მისცა, რომელიც ზღვიდან მაშველებმა ცოტა ხნის წინ გამოიყვანეს.

​ამ დროისათვის მიმდინარეობს სამაშველო-სამძებრო სამუშაოები.