შვედეთში პატიმრობა მიუსაჯეს მშობლებს იმის გამო, რომ შვილს ვეგეტარიანელობას აიძულებდნენ, – იტყობინება გამოცემა Dagens Nyheter.

ქალაქ გეტებორგის სასამართლომ პატარა გოგონას დედ-მამას სამთვიანი პატიმრობა მიუსაჯა. პოლიციამ ამ ოჯახის შესახებ მაშინ შეიტყო, როდესაც გოგონა საავადმყოფოში მოხვდა, წლინახევრის გოგონას წონა 6 კილოგრამზე ნაკლები იყო, როდესაც ნორმა 9 კილოგრამი უნდა ყოფილიყო. ექიმებმა დასვეს დიაგნოზი:უკიდურესი სისუსტე და ვიტამინების მწვავე ნაკლებობა. როგორც სამართალდამცველებმა დაადგინეს, ძუძუთი კვების შემდეგ ბავშვს მხოლოდ ბოსტნეულით კვებავდენ.

გამოცემის ცნობით, ბავშვის სიცოცხლეს საფრთხე აღარ ემუქრება, გოგონას ამჟამად სხვა ოჯახი მეურვეობს.