4 წლიანი კომიდან, ოლიმპიურ ჩემპიონობამდე...

ბიოგრაფია

4 წლიანი კომიდან, ოლიმპიურ ჩემპიონობამდე... - გაიცანით ვიქტორია არლენი

2019, 21 მაისი, 13:45

დღეს კიდევ ერთ საინტერესო ისტორიის შესახებ ვისაუბრებთ. ვიქტორია არლენი მხოლოდ 11 წლის იყო, როდესაც კომაში ჩავარდა, მაგრამ საბედნიეროდ მომავალში მან იცოცხლა და ოლიმპიადის ოქროს მედალიც მოიპოვა... წარმოგიდგენთ დეტალებს:

როგორც ყველა პატარა, ვიქტორიაც მხიარული და ცეკვის მოყვარული გოგონა იყო. ჯერ კიდევ 11 წლის ასაკში სკოლის ერთ-ერთი ყველაზე წარმატებული სპორტსმენი იყო, ასე ტკბილად გრძელდებოდა მისი ცხოვრება იქამდე, სანამ ერთ დილას ძლიერი გაციებიდან და ხველებიდან გამომდინარე საავდმყოფოში გადაიყვანეს. ექიმების დიაგნოზით, ავტო-იმუნური დარღვევით, გოგონას ტვინის შეშუპება ჰქონდა. 11 წლის გოგონამ წელს ქვემოთ გრძნობა სრულიად დაკარგა. ექიმები მის მშობლებს იმედს ვერ აძლევდნენ, პირიქით მათ მწუხარებას უკვე იზიარებდნენ კიდეც...ვიქტორია კომაში იყო...

გოგონას მშობლებს სჯეროდა სასწაულების. მათ იმედი ჰქონდათ, რომ პატარა ვიქტორია კომიდან გამოვიდოდა და იცოცხლებდა. 4 წლის განმავლობაში საცოდავი გოგონა საკუთარ თავთან იყო დარჩენილი, მაგრამ მას ყველაფერი ესმოდა, რასაც კი მასთან საუბრობდნენ, უბრალოდ რეაგირება არ შეეძლო. დრო ისე სწრაფად გადიოდა, რომ ვიქტორიას ოჯახის წევრები ვერც კი ხვდებოდნენ. სასწაული 4 წლის შემდეგ მოხდა, ვიქტორია კომიდან გამოვიდა.

4 წლის შემდეგ, გამოღვიძებულ ვიქტორიას ყველაფრის თავიდან დაწყება მოუწევდა, როგორც ჩვილს. იწყებდა ჭამას, საუბრსაც, მაგრამ ექიმებმა მისი პარალიზებურობიდან გამომდინარე, ოჯახის წევრებს ამცნობეს, რომ სიარულს ვერასოდეს შეძლებდა. ვიქტორია ხომ ძლიერი გოგონა? ეჭვი გეპარებათ, რომ ამასაც შეძლებდა? .... გააგრძელეთ კითხვა!

ვიქტორია ძლიერი გოგონა იყო, ის სკოლაში ინვალიდის ეტლით მივიდა. მიუხედავ თანატოლების დაცინვისა, ვიქტორიამ მალევე მოახერხა გონს მოსვლა და გაკვეთილების კარგად ათვისება. მისი სპორტული ნიჭის დავიწყებაც შეუძლებელი იყო, ამიტომ გადაწყვიტა თავის ძმებთან ერთად საცურაო აუზზე წასვლა... ამ დღის შემდეგ, ვიქტორია თითქმის ყოველდღე სტუმრობდა აუზს.

2012 წელს მან გაიარა პარაოლიმპიური ოლიმპიადის საკვალიფიკაციო ეტაპი და აშშ-ს სახელით მიიღო მონაწილეობა ოლიმპიადაზე.

3 ვერცხლის და 1 ოქროს მედალიც მოიპოვა. საკმაოდ წარმატებული და ძლიერი გოგონა არის ჩვენი გმირი. ვიქტორიამ შექმნა პროგრამა, რომელიც ყველა პარალიზებულ ადამიანს დაეხმარებოდა. ამ პროგრამის საშუალებით 2015 წელს, მან პირველი ნაბიჯები გადადგა, დროთა განმავლობაში მან სრულიად შეძლო სიარული და თავის საყვარელ საქმიანობას, რასაც ცეკვა წარმოადგენს, დიდი სიამოვნებით ასრულებს. ვიქტორია ამჟამად სატელევიზიო გადაცემის წამყვანია და მისი ცხოვრება ყველასთვის სამაგალითოა- ის ქალია, თუმცა დაუძლეველი!

სტატიის ავტორი: ალექსი აბდიევი

აუცილებლად გაითვალისწინეთ - საავტორო უფლებები დაცულია, მასალების გადაბეჭდვა/რეპროდუცირება აკრძალულია. შესაძლებელია მხოლოდ წყაროს მითითებით(ავტორთან შეთანხმებით). იხილეთ მასალის გამოყენების პირობები!!!