ჯერ კიდევ 2008 წლიდან გავრცელდა ხმები, რომ რუსეთის პრეზიდენტს ვლადიმერ პუტინს რომანი ჰქონდა, ყოფილ ტანოვარჯიშესთან და ამჟამად რუსეთის დუმის დეპუტატთან ალინა კაბაევასთან, იმასაც ამბობდნენ, რომ მათ საიდუმლოდ ხელიც მოაწერესო, სწორედ კაბაევა იყო მიზეზი, რომ ვლადიმერ პუტინი ცოლს-ლუდმილას გაეყარაო.

ამჟამად პუტინის და კაბაევას ურთიერთობაზე აღარაფერი ისმის, თუმცა ამ დღეებში სოციალურ ქსელში გამოქვეყნდა ალინა კაბაევას ვაჟის -დიმიტრის ფოტო, რომელიც ძალიან წააგავს რუსეთის პრეზიდენტს, -ეს იქნება სახის და ტუჩების მოყვანილობა, თვალები თუ თმის სტრუქტურა.

დიმიტრი 2009 წელს დაიბადა.ალინა კაბაევა ოფიციალურად გათხოვილი არასდროს ყოფილა, არც მის ამჟამინდელ პირად ცხოვრებაზეა რამე ცნობილი, ამიტომ ეჭვს ესეც უფრო აძლიერებს, რომ ეს შესაძლოა ნამდვილად პუტინის შვილია.

ალინა კაბაევას, მანამდე პრესისთვის ცნობილი ორი რომანი ჰქონდა, ეს იყო ფეხბურთელ მაქსიმ ბუზიკინთან, ჯერ კიდევ როცა სულ ნორჩი იყო 2000-იანების დასაწყისში, შემდეგ კი ქართველ მილიციის მაიორ-დავით მუსელიანთან, 2004-2006 წლებში, ამბობდნენ დანიშნულებიც იყვნენო, თუმცა საბოლოოდ მაინც დაშორდნენ.

თავად კაბაევა უარყოფს, რომ დიმიტრი პუტინის შვილია, (ეს ვერსია პირველად ამერიკულმა გამოცემა New York Post -მა გაავრცელა)მეტიც, იგი მაშინ აღნიშნავდა, რომ ეს არის მისი ნათესავი არსენი.

2013 წელს კაბაევამ ჟურნალ "Большой спорт»-თან ინტერვიუში კიდევ ერთხელ აღნიშნა, რომ მას საერთოდ არ ჰყავს შვილი, თუმცა 2015 წელს გაზეთმა Neue Zürcher Zeitung -მა გაავრცელა ინფორმაცია, რომ ტიჩინოს წმინდა ანას VIP-კლინიკაში იმშობიარა ალინა კაბაევამ და გააჩინა მეორე ბავშვიო.