თბილისის მერის კახა კალაძის განცხადებით 50 ცალი ახალი 8 მეტრიანი ავტობუსი უკვე თბილისშია, მაისის ბოლოდან დაგეგმილია კიდევ 40 ავტობუსის შემოყვანა, მთლიანად წლის ბოლომდე მუნიციპალურ ტრანსპორტს 220 ახალი ავტობუსი დაემატება.კახა კალაძე ავტობუსის ფერის შერჩევისთვის თბილისელებს შორის გამოკითხვას ატარებს.ხმა შეგიძლიათ მისცეთ ამ ბმულზე

"თბილისს 220 ერთეული, ეკოლოგიურად სუფთა, ახალი 8 მეტრიანი ავტობუსი ეყოლება.

ავტობუსების ფერის შერჩევის პროცესში მნიშვნელოვანია თქვენი, მოქალაქეების ჩართულობა. ამიტომ გთხოვთ, დააფიქსიროთ საკუთარი მოსაზრება.

წარმოდგენილი ავტობუსების დიზაინიდან რომელს ისურვებდით თბილისში?"-წერს "ფეისბუქზე"კახა კალაძე.

ISUZU ახალი 8 მეტრიანი ავტობუსები აღჭურვილი იქნება თანამედროვე სტანდარტის, ინტეგრირებული გათბობის, კონდიცირების და ვენტილაციის, ასევე, საინფორმაციო ხმოვანი სისტემებით, ანტივანდალური ვიდეო მონიტორინგის სისტემით, USB-დამტენებით, WiFi მოდემით, რომელიც უზრუნველყოფს მთლიანი ავტობუსის WiFi-ს სიგნალით დაფარვას.

ავტობუსები გათვლილია 53 მგზავრზე და ადაპტირებულია შეზღუდული შესაძლებლობების მქონე პირებისთვის.