არავისთვის წარმოადგენს საიდუმლოს, რომ სურნელი ადამიანის ქვეცნობიერზე მოქმედებს. ამით შეუძლია ნებისმიერმა ქალმა ისარგებლოს, ვისაც საწინააღმდეგო სქესის მიზიდვა და მოხიბვლა სურს.

სტატიაში წარმოგიდგენთ სუნამოების ჩამონათვალს მშვენიერი ქალბატონებისთვის, რომელიც ნებისმიერ მამაკაცს მოხიბლავს.

ბრენდის პირველი არომატი – და 100% წარმატება: შროშანის, ვარდისა და ჟასმინის სურნელი ისე მაცდურად და მიმზიდველად ჟღერს, რომ მაშინვე იპყრობს ყურადღებას. ამას ემატება წიწაკისა და მერქნის სურნელი, შედეგად არომატი ხდება ცივი, რაც თავის მხრივ მისი მფლობელის ირგვვლივ იდუმალებისა და ხელმიუწვდომლობის შთაბეჭდილებას ტოვებს. მიზიდვა და ხელის კვრა – სასიყვარულო თამაშის დასაწყისია!

პაჩული, ქარვა და ვანილი ქმნის განუმეორებელ აღმოსავლურ არომატს, რომელიც ძალიან უჩვეულოდ და ვნებიანად ჟღერს. მდიდრული, მდგრადი, იდუმალებით სავსე – ეს სუნამო განსაკუთრებულად საბედისწერო ლამაზმანებისთვის შეიქმნა, რომლებიც მამაკაცების გულებს სამუდამოდ იპყრობენ.

ზამახი – ერთ-ერთი ყველაზე უჩვეულო ყვავილი, მისი არომატის აღწერა სიტყვებით ძალიან რთულია, თუმცა დავიწყება – შეუძლებელი. რბილი და ცივი, ისეთი, როგორც უნაზესი აბრეშუმი, რომანტიკასა და მარადიულ სიყვარულზე ოცნებებს აღძრავს. ამ სიყვარულის სიმბოლოდ შესაძლოა ვიღაცისთვის თქვენ იქცეთ.

არომატი, რომელიც ძირითად ინსტიქტს აღვიძებს: ჟოლოს, მაყვლისა და თეთრი შოკოლადის ჰარმონიული შერწყმა. ასეთი გემრიელი, მომნუსხველი, ტკბილი და მადის აღმძვრელი – ამ სიტყვის სრული მნიშვნელობით.

რა შეიძლება ვარდის ფურცლებზე უფრო სექსუალური და რომანტიკული იყოს? Chloé -ს ახალ არომატში მთელი ვარდების ბაღია მოქცეული, რასაც ბერგამოტისა და მუშკის სასიამოვნო არომატი ერწყმის. მას აბრეშუმისა და ვნების სურნელი აქვს, თამაშობს კონტრასტებით და სამუდამოდ გამახსოვრებთ თავს.

ატამი, ვანილი და ილანგ-ილანგი: დაახლოებით ასეთი სურნელი ასდის რომანტიკულ არდადეგებს სიცილიაზე, სადაც ჰაერში ხმელთაშუაზღვის ტემპერამენტი ტრიალებს.

მსუბუქი და ანცი, ეს არომატი-ფლირტია, არომატი-სატყუარა, რომელიც ყველას დააინტერესებს, თუ ვინ იმალება ფორთოხლის, გრეიფრუტის და ვეტივერის სურნელის მიღმა.

ილი, თაფლი და მიმოზა: ამაღელვებელი ქალურობისა და მძაფრი სიტკბოს სინთეზი ეფექტურ შთაბეჭდილებას ტოვებს შემოდგომის ცივ დღეებში, ხაზს უსვამს სინაზესა და დახვეწილობას. შენ ისეთი არ ხარ, როგორც ყველა, შენ ეგზოტიკური ყვავილი ხარ, რომელსაც უნდა გაუფრთხილდე და წარმოუდგენელია, რომ მისით არ აღფრთოვანდე.

სუნამო, რომელსაც სიყვარულის ღმერთის საპატივსაცემოდ "ეროსი" დაარქვეს, ის მამაკაცის სულში ყველაზე იდუმალ სიმებს ეხება და აიძულებს, უცნობ ლამაზმანს ყველგან გაჰყვეს. კალაბრიული ბერგამოტი, ბროწეული და ჟასმინი – მძაფრი და ცხელი კოქტეილი, რომელიც გულში საოცარ გრძნობებს იწვევს.

მგრძნობიარე და მათრობელა ყვავილების სურნელი: ეს არომატი წარმოადგენს ვარდის ფურცლების, თეთრი წიწაკის, მუშკისა და ქარვის სინთეზს. საკმაოდ რთული და მრავალწახნაგოვანი კომბინაცია, რომელიც ეჭვს არ იწვევს – შენ ყველაზე ვნებიანი ქალი ხარ, რომელსაც კი ის ოდესმე შეხვედრია.

და ბოლოს, სუნამოს შეძენისას ერთი მნიშვნელოვანი ფაქტორი გაითვალისწინეთ – უპირველეს ყოვლისა არომატი თქვენთვის უნდა იყოს შესაფერისი და სიამოვნების მომტანი, თქვენში პოზიტიურ ემოციებს უნდა იწვევდეს. ვიმედოვნებთ, რომ შეძლებთ და სტატიაში წარმოდგენილი სუნამოებიდან რომელიმეს თქვენთვის შეარჩევთ.