დაბერების პროცესის დაწყების მიზეზი, ორგანიზმში ახალი უჯრედების წარმოქმნის შეწყვეტაა, რომლებითაც უკვე მკვდარი უჯრედების ჩანაცვლება ხდება. ხოლო, ადამიანი მაშინ კვდება, როდესაც მეტისმეტად ბევრი უჯრედი წყვეტს ფუნქციონირებას, რაც ორგანიზმის ფუნქციების დაზიანებას იწვევს. ჩვენ არ დავბერდებით და არ გარდავიცვლებით, ვიდრე ჩვენი სხეული შეინარჩუნებს ბალანსს, მკვდარ და ცოცხალ უჯრედებს შორის.

და მაინც, როდის, რა ასაკიდან იწყება სიბერე?

ბავშვი ზრდასრულ ადამიანად რომ ჩამოყალიბდეს, მილიარდობით, ტრილიონობით უჯრედი უნდა წარმოიქმნას, რომლებიც შემდეგ ორმაგდება და მათი ჩანაცვლება სხვა უჯრედებით ხდება. ამ პერიოდში ადამიანი სიბერის ნიშნებს ვერ გრძნობს და უფრო მეტად განვითარებული ხდება, როგორც ფიზიკურად, ისე გონებრივად.
მეცნიერები ამტკიცებენ, რომ დაახლოებით 25 წლამდე, ჩვენს ორგანიზმში იმაზე მეტი უჯრედი წარმოიქმნება (ან იმდენივე), რამდენიც კვდება. ხოლო, ამ ასაკის შემდეგ უფრო მეტი კვდება, ვიდრე წარმოიქმნება, – რაც თავის მხრივ, დაბერების მექანიზმის ამოქმედებას იწვევს.

გარდა ამისა, კვლევამ აჩვენა, რომ 24 წლის შემდეგ, თავის ტვინიც კარგავს აზროვნების სიჩქარეს.