როგორც ცნობილი გახდა, პოპულარულ მსახიობს დემი მურს, რომელიც ჯერ კიდევ ყოფილი მეუღლის ეშტონ კეტჩერისგან მიყენებულ ტრამვებს იშუშებს, საკუთარი ქალიშვილები აუჯანყდნენ. როგორც საინფორმაციო პორტალი Celebrity-Gossip, დემის სამი ქალიშვილი მსახიობ ბრუს უილისთან ქორწინებიდან, რუმერი, სკაუტი და ტალულა დედის წინააღმდეგ აპირებენ სარჩელის შეტანას, რათა ამ უკანასკნელს მათ ცხოვრებაში ჩარევის უფლება ოფიციალურად, კანონის ძალით ჩამოერთვას. როგორც გოგონები აცხადებენ, ისინი დედას მაქსიმალურად თანაუგრძნობდნენ იმ წუთიდან რაც მისი და ეშტონის ურთიერთობის დასრულების შედეგად, დემის მწვავე დეპრესია დაეწყო. უფროსი ქალიშვილი რუმერი ამ მხრივ, ყველაზე მეტად აქტიურობდა და ცდილობდა დედა სხვადასხვა სახის საშუალებებით გულის გადაყოლებაზე დაეთანხმებინა. ატარებდა მას კლუბებში, გასართობ დაწესებულებებში, რათა ამ გზით დემის ყოფილი მეუღლის ღალატით მიყენებული ტკივილი დაეძლია, თუმცა ღამის კლუბში მორიგი ვიზიტის დროს მსახიობი ზომაზე მეტად "გაერთო" და შედეგად საავადმყოფოში ამოყო თავი. გოგონები თვლიან რომ დედა სერიოზულადაა ავად ემოციურად, აქედან გამომდინარე, მათთვის უკეთესი იქნება თუ დემის მათთან დისტანციის დაჭერას აიძულებენ. როგორც ტაბლოიდები იუწყებიან, დემი შვილებს გამუდმებული კონტროლის მცდელობით და ისტერიული სატელეფონო ზარებით არ აძლევს მოსვენებას, ხოლო უმცროსი ქალიშვილის ტალულას გამოსაშვებ ბანკეტზე, რომელიც ივნისის შუა რიცხვებში შედგა, იგი საერთოდ გაებუტა ამ უკანასკნელს, მხოლოდ იმის გამო რომ მან მამასთან ცნობილ მსახიობ ბრუს უილისთან საუბარში მეტი დრო გაატარა. სავარაუდოდ დემის, რომელსაც ამ ბოლო დროს ყველამ ზურგი აქცია, გულისტკივილის შემსუბუქებაში უახლოესი მეგობარი ამანდა დე კანედე დაეხმარება. რომელთან ერთადაც მსახიობი ხშირად ჩნდება სხვადასხვა მიღებებზე. თუმცა ამანდას ფენომენი როგორც ჩანს ცალკე თემაა და ამაზე მერე ვისაუბროთ.