ჯერ კიდევ თებერვალში, როცა ტაბლოიდები ცნობილი შავკანიანი მომღერლის სილის და მისი არანაკლებ ცნობილი მეორე ნახევრის, "ვიქტორია სიქრეთის" ულამაზესი და ერთერთი ყველაზე სტაჟიანი მოდელის ჰეიდი კლუმის განშორების შესახებ აქტიურად წერდნენ, სილი თავგამოდებით ამტკიცებდა, რომ მიუხედავად გაყრისა, მისი გული სამუდამოდ ჰეიდის ეკუთვნოდა და ამ საოცარი ქალის სიყვარულს იგი არასოდეს შეწყვეტდა ცხოვრებაში. თუმცა, როგორც ჩანს დრო ყველაფრის მკურნალია, თანაც საკმაოდ "ოპერატიული მკურნალი". ცოტა ხნის წინ პაპარაცებმა 49 წლის მომღერალი, თავის ახალ მეგობარ გოგონასთან ერთად დააფიქსირეს სარდინიის სანაპიროსთან ახლოს, ფეშენებელური იახტაზე. მართალია სილის მორიგი გატაცება, ჰეიდისგან განსხვავებით ბრიუნეტია, მაგრამ გარეგნულ მონაცემებს და მომხიბვლელობას რომ არ უჩივის ეს ფოტოებზეც კარგად ჩანს.