სოფელ პალოვეცში(ჩრდილოეთ ხორვატია) იპოვეს ქალის გვამი, რომელიც 18 წლის წინ დაიკარგა.

23 წლის იასმინა დომინიჩი(Jasmina Dominić) დაიკარგა 2000 წელს, თავდაპირველად მისი ნათესავები ამტკიცებდნენ, რომ ის საზღვარგარეთ წავიდა სამუშაოდ, მათ პოლიციამ დაკარგვიდან მხოლოდ 5 წლის შემდეგ მიაკითხა.

"გაჩხრიკეს სახლის მიმდებარე ტერიტორია, მაგრამ მაშინ შიგნით სახლში არ შევიდნენ"-აღნიშნა პოლიციის წარმომადგენელმა ნანედ რისეკმა.

თურმე ამ ხნის განმავლობაში ცელოფანში გახვეული გვამი ცალკე ინახებოდა კამერა-მაცივრის საყინულეში, ამჟამად სახლში ცხოვრობს გარდაცვლილის და ქალიშვილთან და სიძესთან ერთად, იასმინას მამა ორი წლის წინ გარდაიცვალა, ხოლო დედა გერმანიაში მუშაობს.

როგორც ადგილობრივი პრესა იუწყება, გვამი სრულიად შემთხვევით აღმოაჩინა ოჯახის სიძემ დენის გამორთვის შემდეგ, როდესაც საყინულედან გახრწნილი სუნი ეცა, ამ დრომდე სიძემ არც იცოდა, თუ სახლში კიდევ ერთი საყინულე ჰქონდათ.

პოლიცია ეჭვობს, რომ იასმინი მოკლა საკუთარმა დამ, მიმდინარეობს ექსპერტიზა, 45 წლის ქალი დააკავეს, ამჟამად ქალი საგამომძიებლო იზოლატორშია გადაყვანილი.

ასევე დაგაინტერესებთ