ვინ თქვა, რომ მოსამართლეებს მოსაწყენი და ერთფეროვანი სამუშაო აქვთ?! ხანდახან ისეთ სარჩელთან აქვთ საქმე, ჰოლივუდის სცენარისტებსაც კი შეშურდებათ.

საგზაო შემთხვევის დროს მომხდარი სექსის საქმე:

ახალგაზრდა წყვილი ავტომობილში სექსის შემდეგ იძულებით დაქორწინდა, რადგან გოგონა დაორსულდა.

დაორსულებაში გოგონა ბრალს თავის ახლანდელ ქმარს კი არა, არამედ მეორე მანქანის მძღოლს ადანაშაულებდა, რომელიც მათ "გადამწყეტ" მომენტში შეეჯახა. მოულოდნელობისაგან ბიჭმა თავი ვერ შეიკავა და გოგონა დააფეხმძიმა.

ლუდის სარგებლობის საქმე

კენტუკელმა ახალგაზრდამ ადგილობრივი ლუდსახარში ქარხნის წინააღმდეგ საჩივარი შეიტანა. ქარხანას ტყუილში ადანაშაულებს, რადგან ლუდის რეკლამა მას ბედნიერ და იღბლიან კაცად ქცევას ჰპირდებოდა, მაგრამ ლუდის სმის მიუხედავად, ბედი მაინც არ უღიმის.

სასამართლომ მისი განცხადება განსახილველად მიიღო.

როგორ გამოვიმუშაოთ თანხა საკუთარი შვილით

ტეხასელმა ქეთლინ რობერტსონმა ავეჯის მაღაზიაში ყოფნისას ფეხი მოიტეხა, იგი საკუთარ შვილს წამოედო და წაიქცა. მან მაღაზიის მფლობელს უჩივლა და რაც არ უნდა საკვირველი იყოს, საქმე მიგო კიდეც. მაღაზიამ მას 80 000 დოლარი გადაუხადა.

მოჩვენების საქმე

მიჩიგანის შტატში განიხილებოდა საქმე ყოფილი ქმრის შესახებ. ცოლი აცხადებდა, რომ მას საკუთარი მეუღლის ეშინია და მისგან საკომპენსაციო თანხას, ერთ მილიონ დოლარს ითხოვდა. უნდა აღინიშნოს, რომ ქმარი 15 წლის წინ იყო გარდაცვლილი.

ტყუპის საქმე

შავკანიანმა ამერიკელმა მაიკლ ჯორდანს სასამართლოში მორალური ზიანის მიყენების გამო უჩივლა. იგი დიდად განიცდის, რომ ძალიან ჰგავს კალათბურთის ლეგენდას.

გაყრის საქმე

ამერიკელმა ქირურგმა, რიჩარდ ბატისტამ განქორწინებისას ცოლისგან თირკმელი მოითხოვა. რამდენიმე წლის წინ მან ცოლს თავისი თირკმელი გადაუნერგა და ამით სიკვდილს გადაარჩინა. თუ თირკმელს არ დაუბრუნებენ, თანახმაა საკომპენსაციო თანხა – მილიონნახევარი დოლარი მიიღოს.

განუხორციელებელი თვითმკვლელობის საქმე

ნიუ–იორკის მეტროში ახალგაზრდამ თავის მოკვლა სცადა – მატარებელს ბორბლებში შეუვარდა. ცდა უშედეგო აღმოჩნდა, ბიჭი გადაარჩინეს. ამის შემდეგ მან სასამართლოში სარჩელი შეიტანა ქალაქ ნიუ–იორკის წინააღმდეგ და 650 000 დოლარი მოითხოვა, რადგან მატარებელთან შეჯახებისას ტრავმები მიიღო.