ქართული ისტორიული მხატვრობა ჯერ კიდევ ჩანასახოვან მდგომარეობაშია და ის მხოლოდ ახლა ხდება პოპულარული. სამწუხაროდ მხატვრები საკმაოდ მცირე ინტერესს იჩენენ იმისთვის, რომ შექმნან ქართველი მეფეების, მოღვაწეების, ისტორიული მხედართმთავრების, გმირების და მეომრების ავთენტური, ისტორიულ წყაროებზე დაყრდნობილი და რეალისტური, მაღალმხატვრული ნამუშევრები. ასეთივე მდგომარეობაა ქართულ მითოლოგიასთან დაკავშირებითაც. საქართველოში აუცილებლად უნდა განვითარდეს მითოლოგიური მხატვრობა, ქართულ მითოსში ხომ ერის ნამდვილი სული და არსი იმალება. ჩვენ კი ახლაც კი, 2018 წლის დასასრულს, ელემენტარულად არ გაგვაჩნია ჩვენი ეროვნული მითოლოგიური გმირების, ღმერთების, ქაღლმერთების, მეომრების, სახალხო თქმულებათა პერსონაჟების, ეპიკური სცენების, სხვადასხვა ქართული არსებების გამოსახულებები და მაღალი დონის, მსოფლიოში წარსადგენად მზადმყოფი მხატვრობა. ისეთი, რომ არ შეგვრცხვეს.

ძალიან სასიხარულოა, რომ ასეთ დროში გამოჩნდა ისეთი ახალგაზრდა მხატვარი, როგორიც არის გიორგი წიკლაური, რომელმაც გადაწყვიტა, რომ შეექმნა მაღალი ხარისხის ქართული საისტორიო მხატვრობა ქართველი მეომრების შესახებ და წყაროდ გამოიყენა ისტორიული აღწერილობები, თუ როგორ ემოსათ და რას ატარებდნენ ქართველი მეომრები სხვადასხვა საუკუნეში, შემორჩენილი აბჯრები და აღკაზმულობა, იარაღის სახეები, რასაც ვიცით, რომ იყენებდნენ ჩვენი შორეული თუ ახლო წარსულში მცხოვრები წინაპრები. ის განაგრძობს ნახატების შექმნას და გამოქვეყნებას. აქ კი შემოგთავაზებთ მის რამდენიმე ნამუშევარს:

1) XI -XIII საუკუნეების ქართველი აზნაური

2) XI - XIII საუკუნეების ქართველი რაინდი - მოყმე (მაღალი რეზოლუციით იხილეთ აქ)

3) დიდგორის ბრძოლა.

4) XIII - XIV საუკუნეების ქართველი მეომარი.

5) XI - XIII საუკუნეების ქართველი მეომარი.

6) XI - XII საუკუნეების ქართველი აზნაური.

7) XIV - XV საუკუნეების ქართველი მეომარი.

8) XI -XII საუკუნეების ქართველი მოისარი.

9) შუა საუკუნეების სვანი მეომარი.

10) XI -XII– საუკუნეების ფხოველი მეომარი.

11) X - XIII საუკუნეების ქართველი მეციხოვნე.

12) X საუკუნის ქართველი მეომარი.

13) შუა საუკუნეების ქართველი მეციხოვნე (ნახატი შესრულებულია ძველქართულ მინიატურულ სტილში)

დიდ იმედს ვიტოვებთ, რომ ქართველი მოყვარული თუ პროფესიონალი მხატვრები მიბაძავენ გიორგი წიკლაურის ამ შესანიშნავ მაგალითს და შექმნიან ნამუშევრებს საქართველოს ისტორიის და ასევე მითოლოგიის შესახებ. წარმოიდგინეთ, ჩვენ არ გაგვაჩნია გაცის, გაიმის და არმაზის ისტორიული აღწერილობის მიხედვით შექმნილი ნახატი და არ გვქონია მათი ამ სახით რეკონსტრუქციის მცდელობაც კი. ეს მხოლოდ იმაზე მეტყველებს, რომ ჩვენ არ ვცემთ პატივს საკუთარივე ფესვებს. თუ ასეა, მაშინ უნდა ვიცოდეთ - ასეთი ხე გახმება. წიკლაურის მსგავსი ხალხი ასულდგმულებს ქართულ იგდრაზილს.

ასევე დაგაინტერესებთ:

1) გიორგი გეგეჭკორი - დიდი ქართველი მხატვრის კოლექცია - ქართველი მეფეები და მოღვაწეები

2) თავადი გრიგორი გაგარინი - კავკასიაზე შეყვარებული მხატვარი

3) თბილისელი ჩინელი მხატვარი, რომელმაც საქართველოს უსასყიდლოდ გადასცა მილიონი დოლარის ნახატები

4) კასტელის ნახატები მე-17 საუკუნის საქართველოსა და ქართველების აღწერით

5) ლეონარდო დავინჩის შემოქმედება. გამონათქვამები და მოსაზრებები

6) ადოლფ ჰიტლერის ნახატების დიდი კოლექცია

განაგრძეთ ძალიან საინტერესო სტატიების კითხვა

ავტორი: თორნიკე ფხალაძე