მიკი მაუსი თავდაპირველად გამოჩნდა ტესტური ჩვენებისას, ფილმში შეშლილი თვითმფრინავი.

ოფიციალური დებიუტი კი შედგა მოკლემეტრაჟიან Steamboat Willie-ში (1928), რომელიც იყო ერთ-ერთი პირველი ხმოვანი ანიმაციური ფილმი.

მიკი სულ 130-ზე მეტ ფილმში მონაწილეობს. იგი ძირითადად მოკლემეტრაჟიანი ფილმების პერსონაჟია, თუმცა ჩნდება სრულმეტრაჟიან ფილმებშიც. მისი მონაწილეობით ათი ფილმი ნომინირებული იყო ოსკარზე, აქედან ერთ-ერთი, Lend a Paw, გახდა 1942 წლის ცერემონიის გამარჯვებული.

1978 წელს მიკი იქცა პირველ ანიმაციურ პერსონაჟად, რომელსაც ჰოლივუდის დიდების ხეივანში ვარსკვლავი გაუხსნეს. მიკი ძირითადად ჩნდება მეგობარი გოგონა მინი მაუსის, ძაღლ პლუტოს, დონალდ დაკისა და გუფის პერსონაჟებთან.
თავდაპირველად იგი ოხუნჯი ანტიგმირი იყო, მაგრამ დროთა განმავლობაში გარდაიქმნა თავგადასავლების მოყვარულ პერსონაჟად.