ამერიკის შეერთებულ შტატებში, პენსილვანიის ქალაქ პიტსბურგის სინაგოგაში საგანგებო ვითარებაა.

როგორც პოლიცია განმარტავს, სინაგოგაში შეიარაღებული პირი არის. ადგილობრივი მედიასაშუალება KDKA იტყობინება, რომ დაღუპულია სულ მცირე ოთხი ადამიანი. გავრცელებული ინფორმაცია ოფიციალურ პირებს ჯერ არ დაუდასტურებიათ.

ადგილობრივი მედიის ინფორმაციით, თავდამსხმელსა და პოლიციას შორის ორმხრივი სროლაც იყო. სავარაუდოდ, დაჭრილია ორი პოლიციელი. მომხდარზე სხვა დეტალები ჯერ უცნობია.

შემთხვევის ადგილზე სამართალდამცველები და სასწრაფო-სამედიცინო დახმარების ჯგუფები მუშაობენ.