ქალი სამხედროს ხსენებისას ყველას ისრაელის ასოციაცია უჩნდება. ქვეყანა, სადაც ჯარში სამსახური ისეთივე ვალდებულება არის „სუსტი სქესისთვის“, როგორც მათი საპირისპირო სქესის წარმომადგენლებისთვის. ისრაელის არმიაში ქალები ორი წლის ვადით მიდიან, რა თქმა უნდა, ებრაელი ქალები თავიდანვე მებრძოლები არ ყოფილან, თუმცა მეზობელ ქვეყანასთან კონფლიქტური ურთიერთობების გამო, ქვეყანაში შემოღებულ იქნა კანონი, რომლის თანახმადაც ქალებმა უნდა მოიხადონ ჯარი.

ისრაელის სახელმწიფოს თავდაცვის ძალები, ანუ, როგორც უწოდებენ, „ცაჰალი“, 1948 წლის 26 მაისიდან ფუნქციონირებს. სკოლის დამთავრების შემდეგ, 18 წლის ასაკიდან, ყველა ახალგაზრდა, ქალიც და ვაჟიც, ვალდებულია, შეიარაღებულ ძალებში 2-3 წლით ემსახუროს საკუთარ ქვეყანას.

როგორც ზემოთ ვახსენეთ, ქალ სამხედროებს მამაკაცებთან ერთად უწევთ სამხედრო სავალდებულო საქმის შესრულება. ერთადერთი განსხვავება იმაშია, რომ ქალების სავალდებულო სამსახური 21 თვემდე ვადითაა, ხოლო მამაკაცებისთვის 36 თვეა სავალდებულო. 18 წლის შესრულების შემდგომ, გოგონებს უწევთ ხანგრძლივი მეგობრობა ცეცხლსასროლ იარაღებთან, რთულია ამის აღქმა, მაგრამ აბსოლუტური რეალობაა.

როგორც მამაკაცები, ასევე ქალებიც იგივე შტაბში მეცადინეობენ, მორიგეობენ და ცხოვრობენ იმავე პირობებში. საცხოვრებელი რეგიონებიდან გამომდინარე, ზოგიერთ ქალბატონს უფლება ეძლევა იარაღის სახლში წაღებისაც, რა თქმა უნდა, ქალი სამხედროები ამ შანსს ხელიდან არ უშვებენ და მოგვიანებით ინსტაგრამზე იარაღით მოშიშვლებულ ფოტოებს აზიარებენ...

ისრაელის ქალთა სამხედრო არმიის წარმომადგენლები უკვე დიდი ხანია, რაც სოციალური ქსელების ფენომენად იქცნენ, წარმოგიდგენთ მათ ფოტოებს სოც-ქსელებიდან, რომელიც ძალიან ბევრ მოწონებას იღებს მამაკაცების მხრიდან...