მაღალი საზოგადოებრივი ინტერესებიდან გამომდინარე საქართველოს პროკურატურა კიდევ ერთ აუდიოჩანაწერს ასაჯაროვებს, სადაც სავარაუდოდ მირზა სუბელიანის და დეპუტატ ვიქტორ ჯაფარიძის საუბარია ჩაწერილი.

აუდიოფალი 2018 წლის 6 ივლისითაა დათარიღებული.ჩანაწერში მირზა სუბელიანი აცხადებს, რომ ნაციონალური მოძრაობა ცრუ ინფორმაციის სანაცვლოდ ფულს სთავაზობდა:

"სარალიძეს ფულები აქვს აღებული უდესიანისგან, კეზერასგან, ნაკაიძესგან...ნაცებმა ბოლომდე მიიბეს და ჩემთან 5 სხვადასხვა არხით გამოვიდნენ. ესენი ბოლომდე მიაწვებიან, გინდა გითხრა რატომ? იმიტომ რომ სარალიძე ამათ აწვებათ... ნაცებმა ბოლომდე მიიბეს და ჩემთან 5 სხვადასხვა არხით გამოვიდნენ. საყვარელიძე, ვინ აღარ იყო, გვარამიასთან უნდოდათ კონტაქტი, შემომითვალეს მირზამ კუში თქვას, საჩვენო ინფორმაცია მოგვცეს, თუნდაც ტყუილი და ციხიდან მეორე დღესვე გამოვაგდებთ, ვალში არ დავრჩებითო. შენ ხო იცი რასაც ნიშნავს, ძმაო, ეს?! ისიც ხომ იცი, რომ სარალიძის თემა არაა მინელებული..რუსთავლის ამბებიც ჩემმამდე მოდის.."-ამბობს სუბელიანი .

შემდეგ დასძენს:"გადაეცი ეს კაცი თავს დაიცავსთქო...ყველაფერს ვიტყვი, ვიტყვი, რომ მაქვს ვანოზე ჩანაწერები, ვიბაზრებ, რომ ყველა გახმაურებული საქმეები ოცნებამ რომ ქულები დაიწერა:თეთრაძე, ნავთლუღი, ქურდები, ტყუილით აგაყირავებთ, მკიდია რა...."

შეგახსენებთ, მირზა სუბელიანი 2018 წლის 9 ივნისს ხორავას ქუჩის საქმესთან დაკავშირებით, მკვლელობის შეუტყობინებლობისთვის დააკავეს.