"გიორგი კვირიკაშვილის დანიშვნამ ევროპის რეკონსტრუქციისა და განვითარების ბანკის (EBRD) კონსულტანტად ის ამბავი გამახსენა, რომ მაფიოზობა სულაც არ უშლის ხელს საერთაშორისო ორგანიზაციებს ვინმესთან თანამშრომლობაში, რის მაგალითიც კვირიკაშვილისთვის სათაყვანო, მისი მასწავლებელი ედუარდ შევარდნაძე გახლდათ.

მოგეხსენებათ, შევარდნაძის შავბნელი ფინანსური საქმეები, მისი სანათესაოს ნავთობისა და გაზის ტრანზიტის აზიურ და კავკასიურ ინფრასტრუქტურაში ჩასმა სულაც არ უშლიდა ხელს ევროპელ და ამერიკელპოლიტიკოსებსა და მაღალჩინოსნებს მასთან ახლო ურთიერთობები ჰქონოდათ და მის გამო საქართველოს დამოუკიდებლობას და ლეგიტიმურად არჩეულ ხელისუფლებასაც დაუპირისპირდნენ. რა მიზნებით - ეს ისტორიკოსების საკვლევი საკითხია.