ახალი წელი საყოველთაო ზეიმია და მას შემდეგ, რაც გადაწყვეტილებას მივიღებთ, თუ სად და ვისთან უნდა შევხვდეთ მას, საჭიროა იმაზე დაფიქრება, თუ როგორი სამოსი და ვარცხნილობა მოუხდება იმ გარემოს, სადაც ახალი წლის შეხვედრას ვაპირებთ.

2017 წლის საახალწლო ვარცხნილობის შექმნის წესი

1. პირველ რიგში უნდა შევარჩიოთ კაბა და ფეხსაცმელი, რომელშიც ახალ წელს შევხვდებით. მხოლოდ ამის შემდეგ შეგვიძლია ფიქრი ვარცხნილობაზე.

2. ვარცხნილობა, განსაკუთრებით საზეიმო, ყოველთვის ასაკს მატებს გოგონას. ამიტომ, რაც უფრო რთული იქნება ვარცხნილობა, მით უფრო დიდი შეხედულება აქვს გოგონას. თუმცა, ქალებზე ეს ვარცხნილობა შებრუნებით მოქმედებს. საზეიმო ვარცხნილობა ქალბატონებს აახალგაზრდავებს.

3. დამდეგი ახალი წლისთვის, ვარცხნილობის შერჩევის დროს, მთავარი წესი გარეგნობის ლამაზი მხარეების წარმოჩენა და ნაკლის დამალვა არის. თუ ლამაზი, მაღალი კისერი ან ლამაზი მხრები აქვს ადამიანს, ისეთი ვრცხნილობა უნდა გაიკეთოს, რომელიც თმის ზევით აწევას ითვალისწინებს, ხოლო კანთან დაკავშირებული პრობლემების შემთხვევაში – ვარცხნილობა ზურგს და სახის ნაწილს უნდა ფარავდეს, რაც მიმზიდველ გარეგნობას შექმნის და საკუთარი თავის რწმენას ჰმატებს.

როგორი ვარცხნილობა მოეწონება 2017 წლის სიმბოლოს — მამალს?

მომავალი წლის სიმბოლოს — ცეცხლოვან მამალს კლასიკური, თვალშისაცემი ვარცხნილობები მოსწონს. ამიტომ, ვარცხნილობის შერჩევის დროს, ყურადშება უნდა მიექცეს გასული საუკუნის 30-იანი წლების სტილს.

ვარცხნილობა მათთვის, ვისაც მოკლე თმა აქვს

მოკლე თმა – არ არის იმის მიზეზი, რომ უარი თქვათ საზეიმო ვარცხნილობის გაკეთებაზე. ასეთი სიგრძე საშუალებას იძლევა, რომ სხვადასხვა სახის აქსესუარები გამოიყენოთ, თმისთვის გარკვეული ფორმის მიცემის შემდეგ:

1. რგოლი – ყველაზე მარტივი საშუალებაა ვარცხნილობის გასალამაზებლად. ასეთი აქსესუარი ადვილად მაგრდება თმაზე.

2. დიადემა – იძლევა საშუალებას, რომ მისმა მფლობელმა განსაკუთრებულად იგრძნოს თავი, ახალი წლის ღამეს. დიადემა შეიძლება იყოს პატარა გვირგვინის ფორმის ან ღია რგოლი ყვავილებით, ქვებით, თასმებით ან ბუმბულებით. ისეთი, რომ თქვენს სამოსს და ვარცხნილობას უხდებოდეს.

ვარცხნილობა მათთვის, ვისაც საშუალო სიგრძის თმა აქვს

უმრავლესობას სწორედ ასეთი სიგრძის თმა აქვს და ეს სიგრძე სტილისტებისთვისაც უფრო მისაღებია, ვიდრე დანარჩენი ორი. ასეთი თმის ვარცხნილობა ძალიან ლამაზი და დახვეწილი შეიძლება იყოს.

საშუალო სიგრძის თმის საზეიმო ვარცხნილობის ორი ყველაზე გავრცელებული ვარიანტი არსებობს: კულულები რომანტიკულ სტილში და სხვადასხვა სახის აქსესუარებით დამშვენებული, ზევით აწეული და უკან შეკრული თმა ე. წ. ცხენის კუდი.

ვარცხნილობა მათთვის, ვისაც გრძელი თმა აქვს

ის ვისაც გრძელი თმა აქვს, ვარცხნილობის შექმნის დროს, უფრო პრივილეგირებულ მდგომარეობაშია, ვიდრე სხვა დანარჩენები – გრძელი თმისთვის უამრავი ვარცხნილობა არსებობს და მათ შორის არჩევანის გაკეთება რთული არ იქნება.

ამასთან, უნდა გახსოვდეთ, რომ თმა რაც უფრო გრძელი არის, მის ჯანმრთელობაზე უფრო მეტი მზრუნვა არის საჭირო. ამიტომ, თუ საახალწლოდ ვარცხნილობის გაკეთებას დააპირებთ — თმაზე ჯერ დამცავი კრემი წაისვით, რომ მან დღესასწაულების შემდეგაც არ დაკარგოს მომხიბვლელობა.