როგორ ცდილობს 6 წლის გოგონა მაღაზიაში შეჭრილი მძარცველის შეჩერებას 8 სექტემბერი 2016, 20:47:32
AUTO PLAY
ექვსი წლის ახალზელანდიელი გოგონა მთელი ქვეყნის ყურადღების ცენტრში მოექცა — მას უკვე უწოდეს „ყველაზე მამაცი გოგონა მთელ ქვეყანაში“. საქმე იმაშია, რომ გოგონამ მისი ოჯახის კუთვნილ ელექტრონიკის მაღაზიაში შეჭრილი ნაჯახით შეიარაღებული მძარცველის შეჩერება სცადა, რომელიც თანამშრომელს დაესხა თავს. ინციდენტი ქალაქ ოკლენდში მოხდა. სათვალთვალო კამერით გადაღებულ ვიდეოში კარგად ჩანს თუ როგორ უტევს 6 წლის სარა პატელი ნაჯახით შეიარაღებულ მძარცველს, რათა დაიცვას მაღაზიის თანამშრომელი, რომელიც ყაჩაღს კუთხეში ჰყავს მიმწყვდეული. ამის შემდეგ, სარა დასახმარებლად პაპამისს ეძახის, რომელსაც გოგონა მაღაზიიდან გაჰყავს. ახალზელანდიურ ტელეკომპანია TVNZ-თვის მიცემულ ინტერვიუში პატარა სარა აღნიშნავს, რომ მას ოდნავაც არ შეშინებია, როდესაც იატაკზე დავარდნილი თანამშრომლის დაცვას ცდილობდა მძარცველისგან. ახალზელანდიელმა სამართალდამცავებმა ძარცვის ბრალდებით ხუთი 16 წლის ბიჭი დააკავეს, მეექვსეს კი ამ დრომდე ეძებენ.
1
|
|