საქართველოს პარლამენტის წევრი და იურისტი ეკა ბესელია გუშინ "რუსთავი"-2 ზე გასულ სიუჟეტს ეხმაურება სოციალური ქსელით და წერს.

"მორიგი უნიჭობის და ბოროტების გამოვლინება: უბადრუკი გვარამია… აი უკვე ისე დაეცა, რომ სერიოზული რეაქცია აღარ მაქვს)))

აღარ იცის რა შეთხზას ….

" ნოემბრიდან ნოემბრამდე“ ხომ იყო პროკურორ- რეჟისორის “შედევრი“? ახლა მოკლემეტრაჟიან უნიჭო ცრუ ნოველებს გვიმზადებს)))
კონსპირაციის თეორიები და ბიძინას ბოღმა, ვშიშობ სულ შეშლის )))
რას გავდა დღევანდელი სიუჟეტი… რომელი ერთი..
ან რა იწვალა, რომ ეს რაღაც “ ქიუნეთი“ დაეკავშირებინა ჩემთან. სრული ბოდვა! როგორც გავიგე ამ კომპანიას დამფუძნებელი საქართველოში არა ყავს .
მარტივად დავწერ, არ ღირს სერიოზულ განსჯაში შესვლა, ჩემი ოჯახი არ არის ამ ფირმის დამფუძნებელი. რომ იყოს დასამალი არაფერი მაქვს.
ვერც იპოვეს ვერავინ სულიერი, რომ ესაუბრა, თავად ჟურნალისტი ყვებოდა მისივე შეთხზულ ზღაპარს. ვიღაც გაურკვეელი, ინკოგნიტო ადამიანის სატელეფონო საუბრით ამოიწურა მტკიცებულება))) როგორი პროკურორიც იყო, ისეთ მედიაპროდუქტს ქმნის)))
მოკლედ მინდოდა დამეწერა, გვარამიას მორიგი უნიჭო სცენარი!
რასაკვირველია მშვიდად გამოვიყენებ სამართლებრივ გზებს და სასამართლოში მოუწევს პასუხის გაცემა. ისე ჟურნალისტთა ეთიკის ქარტიასაც მოუწევს ამაზე მსჯელობა.
რამდენჯერაც ცილისწამებას ექნება ადგილი, იმდენჯერ მექნება რეაგირება!!!
თან საქმე…. "-წერს ბესელია.

გუშინ 'რუსთავი"-2 ზე "კურიერში"გავიდა სიუჟეტი, რის მიხედვითაც მარკეტინგის კომპანია QNET-ის(ფინანსური პირამიდა, რომელიც რამდენიმე ქვეყანაში აიკრძალა)უკან “ქართული ოცნების” ერთ-ერთი ლიდერის, ეკა ბესელიას ოჯახი დგას. QNET-ის ქსელში საქართველოში ათასობით ადამიანია გაწევრიანებული, მათმა ნაწილმა კომპანიაში ფული ჩადო და დაკარგა.