მსოფლიოში ნარკოდანაშაულს ყველა ქვეყანა სხვადასხვანაირად ებრძვის. განვითარებულ სახელმწიფოებს უფრო ლიბერალური ნარკოპოლიტიკა აქვს არჩეული, ავტორიტეტული სახელმწიფოები კი მას ნულოვან ტოლერანტობას უცხადებენ. არსებობს ქვეყნები, სადაც ნარკოდანაშაული სასჯელის უმაღლესი ზომით - სიკვდილით ისჯება. ასეთი ქვეყნების შესახებ ინფორმაცია გამოცემა Agora-მ მოამზადა.

სინგაპურში ნარკოტიკების კონტრაბანდა ჩამოხრჩობით ისჯება. მხოლოდ 1991 წლიდან დღემდე ამ ბრალდებით 400-ზე მეტ დამნაშავეს მიუსაჯეს სიკვდილი. მკაცრი ნარკოპოლიტიკა აქვს ირანსაც, სადაც ყოველწლიურად ასობით ადამიანს სჯიან სიკვდილით.

საუდის არაბეთში და არაბთა გაერთიანებულ საამიროებში ნარკოტიკების გადატანა საჯარო სიკვდილით ისჯება. უმკაცრესი სასჯელი არსებობს ჩინეთშიც.

ნარკოდანაშაულისთვის ბრალდებულს სიკვდილს უსჯიან ასევე შემდეგ ქვეყნებში: ავღანეთი, ბანგლადეში, ბრუნეი, ჩინეთი, კუბა, ეგვიპტე, ინდოეთი, ინდონეზია, ერაყი, იორდანია, კუვეითი, ლაოსი, მალაიზია, მაროკო, ჩრდილოეთ კორეა, ომანი, კატარი, პაკისტანი, სინგაპური, სომალი, შრი-ლანკა, სირია, სუდანი, ტაივანი, ტაილანდი, აშშ, ვიეტნამი და ზიმბამბვე.

Amnesty International-ის თანახმად, გასულ წელს სიკვდილით დასჯილი პატიმრების მეოთხედი ნარკოტიკებთან დაკავშირებული დანაშაულისთვის დააკავეს.