საზოგადოება 6 აპრილი გლოვის დღედ გამოცხადდა 2018, 6 აპრილი, 10:50 მთავრობის გადაწყვეტილებით 6 აპრილი გლოვის დღედ გამოცხადდა.
ტყიბულში, მინდელის სახელობის შახტაში დაღუპული მუშების ხსოვნის პატივსაცემად, დღეს ყველა ადმინისტრაციულ შენობაზე სახელმწიფო დროშები დაეშვება.
შეგახსენებთ, რომ 5 აპრილს, გამთენიისას ტყიბულში მინდელის სახელობის შახტაში ჭერის ჩამონგრევის შედეგად 6 ადამიანი გარდაიცვალა, 3 კი მძიმედ დაშავდა.
შსს-ს განცხადებით, გამოძიება სისხლის სამართლის კოდექსის 240-ე მუხლის მეორე ნაწილით მიმდინარეობს, რაც სამთო, სამშენებლო ან სხვა სამუშაოების წარმოებისას უსაფრთხოების წესების დარღვევას გულისხმობს. დანაშაული 5 წლამდე თავისუფლების აღკვეთას ითვალისწინებს. 8 შეფასება არ არის
|
  |
Intermedia.ge © 2011-2024 წელი
საავტორო უფლებები დაცულია
 |
