45 წლის ვინოდ მოორჯანი მუმბაის აეროპორტში ბომბის შესახებ ცრუ შეტყობინების ბრალდებით დააკავეს. ბრალის დამტკიცების შემთხვევაში, მას მრავალწლიანი პატიმრობა ემუქრება. ინფორმაციას "ბიბისი" ავრცელებს.

45 წლის ინდოელ ბიზნესმენს, რომელიც ამერიკული კომპანიის დირექტორია ბრალად ედება აეროპორტის ცხელ ხაზზე დარეკვა და სიტყვა "ბომბი აქ არის" წარმოთქმა. თავად ბიზნესმენი ამბობს, რომ მან ცხელ ხაზზე მხოლოდ თავისი რეისის ფრენის დროის დასაზუსტებლად დარეკა. კაცი აცხადებს, რომ რეისი ბომბეი-დელის შესახებ იკითხა და მისი დანაშაული მხოლოდ ისაა, რომ მუმბაი ძველი დასახელებით – ბომბეითი მოიხსენია.

პოლიციელების ცნობით კი, ბიზნესმენი რეისზე აგვიანებდა და სწორედ ამიტომ გადაწყვიტა ამგვარი მეთოდით ფრენის შეფერხება.