უეცარი ტკივილი მკერდის არეში, რომელიც მკლავზეც ვრცელდება და ყბასაც მოიცავს. საავადმყოფო შორსაა, სასწრაფოს მოსვლას დრო უნდა, გარშემო კი არავინაა...

როგორ მოვიქცეთ გულის შეტევის დროს?

გულის შეტევა გულის კუნთების ნაწილის კვდომაა, რომელსაც სისხლის არასაკმარისი რაოდენობით მიწოდება იწვევს. გულის შეტევის ყველაზე ხშირი მიზეზი სტრესია, პირველი სიმპტომი კი-ტკივილი მკერდის არეში, შემდეგ უსიამოვნო შეგრძნება ვრცელდება ყელზე, ხელებსა და ზოგჯერ მუცელზეც. შეიძლება ახლდეს ხველაც, თავბრუსხვევა, ქოშინი, გულისრევის შეგრძნება, ცივი ოფლი და შიშის გრძნობა.

გონების დაკარგვამდე ადამიანს სულ რამდენიმე წუთი აქვს, შემდეგ კი გულისცემა არათანაბარი ხდება და ადამიანი გონებას კარგავს.

თუ გულის შეტევა დაგეწყოთ და ამ დროს მარტო ხართ, მთავარია სწრაფად იმოქმედოთ. შეეცადეთ პანიკამ არ შეგიპყროთ, ეს უფრო გაამწვავებს მდგომარეობას. დაუკავშირდით სასწრაფოს, მანამდე კი მიიღეთ შემდეგი ზომები: დაიწყეთ ხველა აქტიურად, რაც შეიძლება ენერგიულად. რაც შეიძლება ღრმად ჩაისუნთქეთ, ხველა ღრმა უნდა იყოს და არა ზედაპირული, ყოველ 2 წამში უნდა მეორდებოდეს. ამ გზით ფილტვები ჟანგბადით ივსება და სისხლი ცირკულირდება. გააგრძელეთ ხველა, სანამ სასწრაფო არ მოვა ან არ იგრძნობთ, რომ გულისცემა წესრიგდება.

თუ არის საშუალება დაჯექით ან წამოწექით, ორონდ ისე, რომ თავი წამოწეული გქონდეთ, გაათავისუფლეთ ყელი სამოსისგან და ღრმად ისუნთქეთ.

შეგიძლიათ მიიღოთ 0, 25 გრ ასპირინი ან 0, 5 გრ. ნიტროგლიცერინი. ამ დოზას არ გადააჭარბოთ, რომ მდგომარეობა არ გაუარესდეს. არავითარ შემთხვევაში არ მიიღოთ სხვა საგულე საშუალებები, რადგან ზოგი მათგანი კოფეინს შეიცავს და ეს მხოლოდ დაამძიმებს თქვენს მდგომარეობას.

ეს ქმედებები თქვენს მდგომარეობას დაასტაბილურებს სასწრაფოს მოსვლამდე ან დროს მოგცემთ, რომ დამოუკიდებლად მიხვიდეთ ახლომდებარე საავადმყოფოში.