რა არის დეკრიმინალიზაცია?

კონკრეტული ქმედებისთვის “დანაშაულის” სტატუსის მოხსნა, რის შედეგადაც აღნიშნული ქმედება აღარ ითვლება სისხლის სამართლის წესით დასჯადად.


ბოლო წლების განმავლობაში საზოგადოების ნაწილი და არასამთავრობო ორგანიზაციები აქტიურად უჭერდნენ მხარს ნარკოპოლიტიკის ლიბერალიზაციას. ამ პროპაგანდამ გამოიღო შედეგი და 2017 წლის 30 ნოემბერს საკონსტიტუციო სასამართლომ არაკონსტიტუციურად მიიჩნია სისხლის სამართლებრივი დევნა მარიხუანას მოხმარებისთვის.
იმის ფონზე, რომ ჩვენი ახალგაზრდების მხოლოდ 1% არის ფიზიკურად აქტიური და დემოგრაფიული ვითარება საქართველოში ბოლო წლების განმავლობაში მკვეთრად არის გაუარესებული, მსგავსი გადაწყვეტილება, რომელიც მიიღო საკონსტიტუციო სასამართლომ გარკვეული ჯგუფების აქტიური და მიზანმიმართული პროპაგანდის შედეგად არის სრულიად გაუმართლებელი. ნაცვლად იმისა, რომ ჩვენს საგანმანათლებლო დაწესებულებებში აქტიურად მიმდინარეობდეს ჯანსაღი ცხოვრების წესის პროპაგანდა საქართველოში დადგა 30 ნოემბერი.