35 წლის მსახიობი - მეგან მარკლი და 32 წლის პრინცი ჰარი შორეული ბიძაშვილები არიან...

გენიოლოგიურმა კვლევებმა, რომელსაც აწარმოებდა The Mail დაადგინა, რომ წყვილი 15-ე თაობის ნათესავები არიან.

თავდაპირველად, როცა ინფორმაცია მათი რომანის შესახებ გავრცელდა, ყველა მეგანის აფრიკულ ფესვებზე ამახვილებდა ყურადღებას. მაშინ გაარკვიეს, რომ დედის მხრიდან მისი ერთ-ერთი წინაპარი მონა იყო და შტატების პლანტაციებში მუშაობდა. ამჟამად, გადაწყვიტეს მამის მხარე შეესწავლათ.

მეგანის მამა, ტომ მარკლი ჰოლივუდში ოპერატორად მუშაობდა. მისი მე-15 თაობის წინაპარი ინგლისელი რალფ ბოუზი აღმოჩნდა, რომელიც დარემის საგრაფოში ცხოვრობდა. მისი შვილიშვილი, მერი, 1767 წელს ჯონ ლაიონს გაჰყვა ცოლად, სტრატმორის გრაფს. ასე გაერთიანდნენ ბოუზის და ლაიონის დინასტიები. 5 თაობის შემდეგ, ელისაბედ ბოუზ ლაიონი იორკის ჰერცოგს გაჰყვა ცოლად, რომელიც მეფე ჯორჯ მეექვსე გახდა. 1952 წელს კი წყვილის ქალიშვილი ელისაბედი ბრიტანეთის დედოფალი გახდა.

ასეა თუ ისე სკანდალური წყვილი 15 -ე თაობის ნათესავები აღმოჩნდნენ.