არიან ადამიანები, რომლებიც ნებისმიერ დროს მზად არიან სხვების დასახმარებლად და არიან ადამიანები, რომლებსაც მიაჩნიათ, "სხვისი ჭირი ღობის ჩხირია".
ასეთი ადამიანები იყვნენ ალბათ, როცა ავარიაში მოყოლილ ჯიპს გულგრილად ჩაუარეს და არცერთი არ დამეხმარა საპატრულო ეკიპაჟის მოსვლამდე, ტრავმირებული ქალბატონის გამოყვანაში დამტვრეული მანქანიდან.
თუმცა ამ მცირე სტატიაში ამაზე არ მექნება საუბარი, საუბარი მექნება გულისხმიერ ახალგაზრდა კაცზე, რომელმაც საკუთარ ქორწილში საქორწინო ცერემონია მიატოვა და წყალში საქორწინო ტანსაცმლით გადახტა მისთვის სრულიად უცნობი ბავშვის გადასარჩენად, რომელიც მდინარეში იხრჩობოდა.
წყვილი კანადის ქალაქ კიტჩენერიდან საკუთარ ქორწილს აღნიშნავდა ბუნების წიაღში მდინარესთან ახლოს, როცა სასიძომ კლეიტონ კუკმა მიატოვა ცერემონია, საპატარძლო და ცერემონიის მონაწილე სტუმრები და ყველასაგან მოულოდნელად საქორწინო ტანსაცმლით გადაეშვა მდინარეში. როგორც აღმოჩნდა ახალგაზრდა სასიძოს მახვილ თვალს არ გამოეპარა მდინარეში მობანავე ბავშვებიდან ერთერთი, რომელიც აშკარად იხრჩობოდა და სწორედ მის დასახმარებლად გადაეშვა მდინარეში.
ყოჩაღმა სასიძომ ორმაგად გამოიჩინა თავი, გამოავლინა რა მისი პიროვნული ღირსება–დახმარებოდა სრულიად უცნობ ბავშვს და მეორე გადაარჩინა ბავშვი დახრჩობას უამრავი სტუმრის თვალწინ.