იორდანიის დედოფალი რანია არის ძალიან მიმზიდველი და ჭკვიანი ქალბატონი. მას მიიჩნევენ მსოფლიოს ყველაზე ლამაზ მონარქად.

დედოფალმა განათლება მიიღო ქაიროს ამერიკულ უნივერსიტეტში ბიზნეს ადმინისტრირების სპეციალობით.

სწავლის დამთავრების შემდეგ რანია მუშაობდა Apple-ს წარმომადგენლად შემდეგ კი Citibank-ში. სწორედ აქ შეამჩნია პირველად იორდანიის პრინცმა - აბდალამ.

" მე დავინახე ის და მივხვდი-ის ერთადერთია და სხვა არავინ მჭირდება"- მოგვიანებით განაცხადა პრინცმა.

გაცნობიდან ექვსი თვის შემდეგ ისინი დაქორწინდნენ.

მაშინ აბდალა არ ითვლებოდა ტახტის მემკვიდრედ. ეს ტიტული მისი ბიძის ხელში უნდა გადასულიყო, მაგრამ აბდალას მამამ გადაწყვეტილება შეცვალა და მემკვიდრედ მისი შვილი გამოაცხადა.როცა აბდალა გახდა მეფე, უკვე ყავდა ორი შვილი რანიასგან. ამის შემდეგ რანიამ კიდევ ორი გაუჩინა.

დედოფალი აქტიურ სოციალურ ცხოვრებას ეწევა. ის ეხმარება ქალებს თავის ქვეყანაში დაიწყონ სამსახური და განავითარონ ბიზნესი. რანიას ხელმძღვანელობით გაიხსნა არაერთი ცენტრი ძალადობისგან ქალების და ბავშვების დაცვის მიზნით.

გარდა ამისა რანია ჩართულია ჯანმრთელობისა და განათლების გაუმჯობესების საკითხების მოგვარებაშიც.

სოციალური ცხოვრების მიღმა, დედოფალი საშინაო საქმეებითაც არის დაკავებული. რანიას მიაჩნია, რომ მისმა შვილებმა უნდა იცოდნენ რა არის შრომა. ამიტომაც ბავშვებმა იცის როგორ წარმართონ საშინაო საქმეები.

რანიას თქმით - ნებისმიერ დედას არ უნდა დაავიწყდეს საკუთარ თავზე დროის დათმობა და მაშინ ოჯახში ყველაფერი კარგად იქნება.

რანია არა მარტო ლამაზია, არამედ აქვს საოცრად დახვეწილი გემოვნება. მან იდეალურად მოახერხა ტრადიციული არაბული სტილის ევროპულთან სინთეზი.

რანია მარტივად ახერხებს იყოს მშვენიერი მეუღლე, მზრუნველი დედა და მკაცრი მმართველი.

სამხრეთის მარგალიტი რანია - ნამდვილად აღფრთოვანების ღირსია...