37 წლის ინდონეზიელმა მამაკაცმა უთანასწორო ბრძოლაში მოკლა ნამდვილი ურჩხული-7 მეტრის სიგრძის პითონი.

პალმის ზეთის პლანტაციების დარაჯი რობერტ ნაბაბამი პროვინცია რიაუდან საკუთარი მოპედით სახლში ბრუნდებოდა, როდესაც გზაზე შეამჩნია უზარმაზარი პითონი, რომელმაც გზა გადაუკეტა ორ ფეხით მოსიარულეს. 37 წლის მამაკაცი შეეცადა გზიდან გაეგდო მახრჩობელა გველი, თუმცა საპასუხოდ პითონი კაცს თავს დაესხა და მკლავზე კბილებით ჩაეჭიდა. ხანგრძლივი ბრძოლის შემდეგ მამაკაცმა შეძლო გველის მოკვლა, თუმცა რობერტი ღრმა ჭრილობებით ტრავმირებული საავადმყოფოში გადაიყვანეს, მისი მდგომარეობა საშუალო სიმძიმისაა.

"ვცდილობდი დამეჭირა ის, თუმცა მკლავზე მწვდა და ამის შემდეგ ვიბრძოდით რაღაც დროის განმავლობაში"-აღნიშნა რობერტმა.

აღსანიშნავია, რომ მამაკაცი ვის გამოც გველს შეებრძოლა(იგულისხმება ორი ქვეითად მოსიარულე) მხოლოდ შეშფოთებულები ადევნებდნენ თვალს გიგანტი გველის და მამაკაცის ორთაბრძოლას. მოკლული გველი შემდეგ სარეცხის თოკივით გაფინეს მთელი სოფლის დასანახად.

აღსანიშნავია, რომ ამა წლის მარტში ანალოგიური მოხდა ინდონეზიაში, კერძოდ პროვინცია სულავესში, თუმცა მაშინ სასიკვდილო ორთაბრძოლა გველის გამარჯვებით დამთავრდა.მსხვერპლი მის მუცელში აღმოაჩინეს.